Tuesday, May 9, 2017

Home Financial News មាសនៅតែងើបទៅមុខមិនរួច ទោះបីជាឡើងថ្លៃបន្តិចវិញក្នុងថ្ងៃនេះក៏ដោយ

មាសនៅតែងើបទៅមុខមិនរួច ទោះបីជាឡើងថ្លៃបន្តិចវិញក្នុងថ្ងៃនេះក៏ដោយ

ការជួញដូរមាសនៅថ្ងៃអង្គារនេះនៅលើទីផ្សារអាស៊ីត្រូវបានគេមើលឃើញថា បានឡើងថ្លៃបន្តិចវិញ។ ក៏ប៉ុន្តែតម្លៃនេះតែស្ថិតនៅក្នុងតម្លៃជួញដូរមួយទាបដដែលបើប្រៀបធៀបទៅនឹងការជួញដូរនៅសប្តាហ៍មុន។

ការជួញដូរមាសតាមស្បត បានឡើងថ្លៃ ០,១% ប៉ុណ្ណោះ ត្រូវបានជួញដូរក្នុងតម្លៃ ១ ២២៧,០៨ ដុល្លារក្នុងមួយអោន បន្ទាប់ពីបានធ្លាក់ថ្លៃដល់តម្លៃ ១ ២២៤,៨៦ ដុល្លារក្នុងមួយអោនកាលពីម្សិលមិញ ដែលជាតម្លៃទាបបំផុតមួយមិនធ្លាប់មាននៅក្នុងរយៈពេល ៧សប្តាហ៍ចុងក្រោយនេះ។ ចំណែកការជួញដូរមាសនៅលើទីផ្សារអាមេរិកវិញ ហាក់មិនមានការប្រែប្រួលខ្លាំងនោះឡើយ ពោលគឺត្រូវបានជួញដូរក្នុងតម្លៃ ១ ២២៧,១០ ដុល្លារក្នុងមួយអោន។

បើយោងតាមរបាយការណ៍ចេញផ្សាយរបស់ក្រុមហ៊ុនជួញដូរមាសលំដាប់ពិភពលោក SPDR Gold Trust បានឲ្យដឹងថា តម្រូវការជួញដូរមាសបានធ្លាក់ថ្លៃអស់ ០,១៤% កាលពីថ្ងៃច័ន្ទម្សិលមិញ ធ្លាក់មកនៅត្រឹម ៨៥១,៨៩ តោន។ រីឯទិន្នន័យនាំចូលមាសរបស់ឥណ្ឌាបានកើនឡើងទ្វេដងនៅក្នុងខែមេសាកន្លងទៅ ដែលមានចំនួន ៧៥ ស្របពេលដែលរដូវកាលពិធីអាពាហ៍ពិពាហ៍ និង ពិធីបុណ្យរបស់ប្រទេសនេះបានចូលមកដល់៕

ប្រភព៖ cnbc