មាសធ្លាក់ថ្លៃ ខណៈដែលផ្សារភាគហ៊ុនអាមេរិកឡើងថ្លៃ

ការជួញដូរមាសនៅថ្ងៃអង្គារនេះបានធ្លាក់ថ្លៃជិត ១% ទៀត ក្រោមសម្ពាធនៃការឡើងថ្លៃនៃ ផ្សារភាគហ៊ុនអាមេរិក និង ក្រោយសភាអាមេរិកបើកឲ្យឲ្យមានការចរចារបស់បក្សទាំងពីរបន្តគាំទ្រកិច្ចព្រមព្រៀងលើការចំណាយថវិកាជាតិរហូតដល់ខែកញ្ញាឆ្នាំនេះ។

នៅក្នុងផ្សារភាគហ៊ុនអាមេរិក ភាគហ៊ុនរបស់ក្រុមហ៊ុន Apple បានឡើងថ្លៃខ្ពស់ជាងគេក្នុងកំណត់ត្រាមួយមិនធ្លាប់មាន ស្របពេលដែលផ្សារភាគហ៊ុនពិភពលោកសំខាន់ៗផ្សេងទៀតសុទ្ធតែមានសញ្ញាណល្អដូចគ្នា។

នៅព្រឹកនេះ តម្លៃ មាសបានធ្លាក់ថ្លៃអស់០,៨% ស្ថិតនៅក្នុងតម្លៃ ១ ២៥៧,៥៨ ដុល្លារក្នុងមួយអោន បន្ទាប់ពីបានធ្លាក់ថ្លៃកាលពីម្សិលមិញមកដល់តម្លៃ ១ ២៥៣,៦៦ ដុល្លារក្នុងមួយអោន ដែលជាតម្លៃទាបបំផុតមួយមិនធ្លាប់ឃើញមានគិតចាប់តាំងពីថ្ងៃទី ១១ ខែមេសាមក។ ចំណែកតម្លៃជួញដូរមាសនៅលើទីផ្សារអាមេរិកវិញ បានធ្លាក់ថ្លៃអស់ ១% ស្ថិតនៅក្នុងតម្លៃជួញដូរ ១ ២៥៥,៥០ ដុល្លារក្នុងមួយអោន។

កាលពីម្សិលមិញ ផ្សារភាគហ៊ុនសាកលលោកជាច្រើននៅអាស៊ី និង អឺរ៉ុបបានបិទការជួញដូរក្នុងមួយថ្ងៃដើម្បីចូលរួមទិវាពលកម្មអន្តរជាតិ។ នៅជប៉ុន ផ្សារភាគហ៊ុនរបស់ខ្លួននឹងបិទជួញដូរក្នុងរយៈពេល៣ថ្ងៃចាប់ពី ថ្ងៃ ពុធស្អែកទៅក្នុងពិធីបុណ្យឈប់សម្រាកប្រចាំឆ្នាំរបស់ខ្លួន។

ងាកទៅមើលស្ថានភាពនយោបាយអាមេរិក សភាជាតិរបស់ខ្លួនបានដាក់ចេញនូវកិច្ចព្រមព្រៀងមួយរវាងបក្សធំៗទាំងពីរដើម្បីបន្តគាំទ្រលើកញ្ចប់ថវិកាជាតិរហូតដល់ចុងខែកញ្ញា ដើម្បីជៀសវាងភាពជាប់គាំងណាមួយដែលកើតមានឡើងលើការប្រើប្រាស់ថវិកាជាតិ។

អ្នកជួញដូរនិយាយថា ទីផ្សារជួញដូរមាសត្រូវរង់ចាំ មើលលទ្ធផលកិច្ចប្រជុំចំនួនពីរថ្ងៃ និង សេចក្តី ថ្លែងការណ៍របស់ធនាគារកណ្តាលអាមេរិកដែលនឹងអនុម័តជាផ្លូវការនៅថ្ងៃព្រហស្បតិ៍សប្តាហ៍នេះ៕

ប្រភព៖ cnbc