Monday, May 8, 2017

Home Financial News ប្រាក់អឺរ៉ូធ្លាក់ថ្លៃបន្តិចវិញ ក្រោយបោះឆ្នោតនៅបារាំងចេញជាលទ្ធផល

ប្រាក់អឺរ៉ូធ្លាក់ថ្លៃបន្តិចវិញ ក្រោយបោះឆ្នោតនៅបារាំងចេញជាលទ្ធផល

ប្រាក់អឺរ៉ូបានធ្លាក់ថ្លៃពីតម្លៃជួញដូរខ្ពស់បំផុតវិញនៅលើទីផ្សារជួញដូរក្នុងតំបន់អាស៊ីព្រឹកនេះ ខណៈដែលអ្នកជួញដូរកំពុងរង់ចាំកើបយកប្រាក់ចំណេញក្រោយបោះឆ្នោតនៅបារាំងបានផ្តល់ជ័យជំនះទៅអោយលោក Macron'។

នៅពេលចាប់ផ្តើមជួញដូរភ្លាមៗក្នុងទីផ្សារអាស៊ី ប្រាក់អឺរ៉ូបានសន្ទុះឡើងដល់ទៅ ១,១០២៤ ដុល្លារ ដែលតម្លៃនេះគេមិនធ្លាប់ឃើញមាននោះឡើយគិតចាប់តាំងពីថ្ងៃទី ៩ វិច្ឆិកា។ ធៀបទៅនឹងលុយយ៉េនវិញ ក៏បានហក់ឡើងដល់តម្លៃខ្ពស់បំផុតដែររហូតដល់ ១២៤,៥៨ យ៉េន។

យ៉ាងណាមិញ ធៀបទៅនឹងលុយដុល្លារបន្តិចក្រោយមក វាបានធ្លាក់ថ្លៃអស់ ០,១% ត្រូវបានជួញដូរក្នុងតម្លៃ ១,០៩៨៦ ដុល្លារវិញ និង ធៀបទៅនឹងលុយយ៉េនវាបានធ្លាក់ថ្លៃអស់ ០,១% ដែរ ត្រូវបានជួញដូរក្នុងតម្លៃ ១២៣,៩៤ យ៉េន។

ចំណែកការជួញដូរប្រាក់ដុល្លារធៀបទៅនឹងលុយយ៉េនវិញ ក៏បានធ្លាក់ថ្លៃបន្តិចវិញដែរ ពោលគឺត្រូវបានជួញដូរក្នុងតម្លៃ ១១២,៧៩ យ៉េនបន្ទាប់ពីបានឡើងថ្លៃដល់ទៅ ១១៣,១៤ យ៉េននៅ ពេលចាប់ផ្តើមបើកការជួញដូរភ្លាមៗ។ ចំណែកសន្ទស្សន៍តារាងជួញដូរប្រាក់ដុល្លារធៀបទៅនឹងរូបិយប័ណ្ណផ្សេងៗទៀតបានងើបឡើងវិញបន្តិច ក្នុងសន្ទស្សន៍តម្លៃ ៩៨,៦៧៣៕

ប្រភព៖ cnbc