មាសបន្តឡើងថ្លៃទៀតក្នុងថ្ងៃនេះ

ការជួញដូរមាសកំពុងបន្តឡើងថ្លៃទៀតក្នុងថ្ងៃអង្គារនេះ ខណៈដែលអ្នកជួញដូរកំពុងស្វែងរកទីតាំងសុវត្ថិភាពសម្រាប់ជួញដូរស្របពេលស្ថានភាពភូមិសាស្ត្រនយោបាយកំពុងបន្តតានតឹងឡើងជាថ្មីទៀត។

ការជួញដូរមាសតាមស្បតបានឡើងថ្លៃ ០,៣% ស្ថិតនៅក្នុងតម្លៃ ជួញដូរ ១ ២៥៥,៩៦ ដុល្លារក្នុងមួយអោន។ នៅអាមេរិកទីផ្សារមាសបានឡើងថ្លៃលើសបន្តិចក្នុងចំនួន ០,៤% ស្ថិតនៅក្នុងតម្លៃជួញដូរ ១ ២៥៨,៤០ ដុល្លារក្នុងមួយអោន។

មាសឆ្មក់ឱកាសឡើងថ្លៃវិញ ស្របពេលមានកត្តាជាច្រើនកំពុងកើតមានឡើងនៅជុំវិញពិភពលោកដែលមានដូចជា ព្រឹត្តិការណ៍ជំនួបកំពូលរវាងប្រធានាធិបតីចិន និង ប្រធានាធិបតីអាមេរិក Donald Trump នៅសេតវិមានអាមេរិក និង ព្រឹត្តិការណ៍បំផ្ទុះគ្រាប់បែកធ្វើអត្តឃាតនៅរុស្ស៊ីជាដើម។

ក្រុមហ៊ុនជួញដូរមាស SPDR Gold Trust បានឲ្យដឹងថា ទំហំជួញដូរមាសបានកើនឡើង០,៥៣% ពោលគឺបានកើនឡើងពី ៨៣២,៣២ តោនដល់ ៨៣៦,៧៧ តោនកាលពីថ្ងៃច័ន្ទម្សិលមិញ៕

ប្រភព៖ cnbc