ការជួញដូរប្រាក់ដុល្លារនៅតែងើបមិនរួចក្នុងថ្ងៃ នេះ

ការជួញដូរប្រាក់ដុល្លារត្រូវបានគេមើលឃើញថា មិនមានស្ថានភាពល្អនោះឡើយនៅថ្ងៃនេះ ដោយបន្តស្ថិតនៅក្នុងស្ថានភាពដុនដាបដដែលបន្ទាប់ពីការប្រកាសដំឡើងអត្រាការប្រាក់ដ៏ខកចិត្តមួយចេញពី ធនាគារកណ្តាលអាមេរិកកាលពីសប្តាហ៍មុន។

ស្របពេលដែលទីផ្សារជួញដូរនៅលើទឹកដីជប៉ុនត្រូវបានបិទ ការជួញដូរក្នុងពិធីបុណ្យឈប់សម្រាកប្រចាំឆ្នាំរបស់ខ្លួននៅថ្ងៃច័ន្ទនេះ បានញាំងឲ្យប្រាក់ដុល្លារស្ថិតនៅក្នុងស្ថានភាពធ្លាក់ថ្លៃពី ១១៥,៥១ យ៉េនក្នុងមួយដុល្លារកាលពីដើមខែមិនា មកត្រឹមតម្លៃ ១១២,៦៨ យ៉េនវិញនៅក្នុងថ្ងៃនេះ។

ចំណែកសន្ទស្សន៍ប្រាក់ដុល្លារធៀបទៅនឹងតម្លៃរូបិយប័ណ្ណសំខាន់ៗផ្សេងទៀត គឺស្ថិតនៅក្នុងតម្លៃ ១០០,៣០០ ពោលគឺបន្តធ្លាក់ពីតម្លៃ ១០០,១៤០ កាលពីថ្ងៃសុក្រកន្លងទៅ នៅក្រោយធនាគារកណ្តាលប្រកាសដំឡើងអត្រាការប្រាក់។

ងាកមកមើលលុយអឺរ៉ូវិញ ប្រាក់ដុល្លារក៏ស្ថិតនៅក្នុងស្ថានភាពមិនល្អដែរ។ ប្រាក់អឺរ៉ូកំពុងបង្ហាញសញ្ញាណវិជ្ជមានជាថ្មីទៀតក្នុងថ្ងៃនេះដោយត្រូវបានជួញដូរក្នុងតម្លៃ ១,០៧៤១ ដុល្លារបន្ទាប់ពីបានឡើងថ្លៃដល់ ១,០៧៨២ ដុល្លារកាលពីថ្ងៃសុក្រសប្តាហ៍មុន។ នៅថ្ងៃនេះ វាកំពុងបន្តដំណើរឆ្ពោះទៅកៀកនឹងតម្លៃឡើងថ្លៃខ្ពស់បំផុតមួយក្នុងចំនួន ១,០៧៨២ ដុល្លារកាលពីខែមករាកន្លងទៅ៕

ប្រភព៖ cnbc