Thursday, March 16, 2017

Home Financial News មាសឡើងថ្លៃក្រោយធនាគារកណ្តាលអាមេរិកប្រកាសដំឡើងអត្រាការប្រាក់ទាបជាងការរំពឹងទុក

មាសឡើងថ្លៃក្រោយធនាគារកណ្តាលអាមេរិកប្រកាសដំឡើងអត្រាការប្រាក់ទាបជាងការរំពឹងទុក

ការជួញដូរមាសនៅលើទីផ្សារអន្តរជាតិក្នុងថ្ងៃនេះបាន ឡើងថ្លៃវិញ បន្ទាប់ពីធនាគារកណ្តាលអាមេរិកប្រកាសដំឡើងអត្រាការប្រាក់បន្តិចៗ ម្តងសម្រាប់ឆ្នាំ ២០១៧នេះ។ ការប្រកាសនេះបានធ្វើឲ្យអ្នកវិនិយោគមានការខកចិត្តដែលពួកគេ ធ្លាប់គិតថា ការដំឡើងអត្រាការប្រាក់គួរតែត្រូវបានធ្វើឡើងក្នុងចំនួនមួយ ខ្ពស់ជាង ០,៧៥% ទៅ ១%។

ការជួញដូរមាសតាមស្បត បានឡើងថ្លៃ ១,១៨% ត្រូវបានជួញដូរក្នុងតម្លៃ ១ ២១២,៥០ ដុល្លារក្នុងមួយអោន។ ចំណែកតម្លៃមាសនៅលើទីផ្សារអាមេរិកវិញបានឡើងថ្លៃ ជិត ២ ដុល្លារ ពោលគឺបានឡើងថ្លៃ ១,៩០ ដុល្លារ ត្រូវបានជួញដូរក្នុងតម្លៃទាបជាង ១ ២០០,៧០ ដុល្លារក្នុងមួយអោន។
ការដំឡើងអត្រាការប្រាក់គោលរបស់ធនាគារកណ្តាលនៅពេលនេះបានកើត មានឡើងនៅចំពេលមានទំនុកចិត្តមួយលើសេដ្ឋកិច្ចអាមេរិកក្នុង ត្រីមាសដំបូងឆ្នាំ ២០១៧នេះថា ខ្លួនបានត្រៀមខ្លួនរួចជាស្រេចសម្រាប់ទទួលបាននូវកំណើន សេដ្ឋកិច្ចបន្ថែមទៀតនៅពេលខាងមុខ។
គេសង្កេតឃើញថា នៅមុនពេលការប្រកាសរបស់ធនាគារកណ្តាលអាមេរិក ការជួញដូរមាសបានឡើងថ្លៃ ០,៤៤% ស្ថិតនៅក្នុងតម្លៃជួញដូរ ១ ២០៣,៦០ ដុល្លារក្នុងមួយអោន។ យ៉ាងណាមិញ ថ្វីត្បិតតែលទ្ធផលធនាគារកណ្តាលបានប្រកាសរួចហើយក្តី ប៉ុន្តែអ្នកវិនិយោគក៏ត្រូវមើលផងដែរលើស្ថានភាពបោះឆ្នោតនៅ ហុឡង់ដ៍ដែលបានជួយឲ្យតម្លៃមាសងើបឡើងវិញផងដែរ៕
ប្រភព៖ cnbc