Wednesday, March 15, 2017

Home Financial News មាសហាក់មានសញ្ញាណ នៅមុនធនាគារកណ្តាលអាមេរិកប្រកាសលទ្ធផលអត្រាការប្រាក់ថ្ងៃនេះ

មាសហាក់មានសញ្ញាណ នៅមុនធនាគារកណ្តាលអាមេរិកប្រកាសលទ្ធផលអត្រាការប្រាក់ថ្ងៃនេះ

ការជួញដូរមាសនៅលើទីផ្សារអន្តរជាតិក្នុងថ្ងៃនេះ ត្រូវបានគេមើលឃើញថា មានលទ្ធផលវិជ្ជមាននៅមុនពេលដែលធនាគារកណ្តាលអាមេរិកប្រកាសលទ្ធផល នៃការដំឡើងអត្រាការប្រាក់នៅក្នុងកិច្ចប្រជុំក្នុងរយៈពេលពីរថ្ងៃ របស់ខ្លួននៅថ្ងៃនេះ។

ការជួញដូរមាសតាមស្បត បានឡើងថ្លៃ ០,១% ត្រូវបានជួញដូរក្នុងតម្លៃ ១ ១៩៩,៣៤ ដុល្លារក្នុងមួយអោន។ ចំណែកការជួញដូរមាសនៅ លើទីផ្សារអាមេរិកវិញ មិនទាន់មានសញ្ញាណវិជ្ជមាននៅឡើយទេ ពោលគឺបានធ្លាក់ថ្លៃអស់ ០,៣% ស្ថិតនៅក្នុងតម្លៃជួញដូរ ១ ១៩៩ ដុល្លារក្នុងមួយអោន។

អ្នកជួញដូរកំពុងទន្ទឹងរង់ចាំយ៉ាងអន្ទះសានូវសេចក្តីសម្រេច របស់ធនាគារកណ្តាលអាមេរិកដែលនឹងប្រកាសលទ្ធផលគោលនយោបាយដំឡើង អត្រាការប្រាក់របស់ខ្លួននៅក្នុងកិច្ចប្រជុំរយៈពេល២ថ្ងៃ។ បើតាមការគ្រោងទុក ការប្រកាសនេះនឹងធ្វើឡើងនៅយប់នេះ។ ក្រៅពីនេះអ្នកវិនិយោគក៏ផ្តោតជាសំខាន់ផងដែរលើការបោះឆ្នោតនៅ ប្រទេសហុឡង់ដ៍នៅថ្ងៃនេះ ដែលបានជួយឲ្យតម្លៃមាសមានសញ្ញាណល្អ៕

ប្រភព៖ cnbc