មាសបន្តឡើងថ្លៃទៀតក្នុងថ្ងៃនេះ

ការជួញដូរមាសនៅថ្ងៃព្រហស្បតិ៍នេះ បានបន្តឡើងថ្លៃទៀតនៅមុនពេលជំនួបរវាងលោក Donald Trump និងប្រធានាធិបតីចិន Xi Jinping ក្នុងថ្ងៃនេះ។

ការជួញដូរមាសតាមស្បត បានឡើងថ្លៃ ០,១% ស្ថិតនៅក្នុងតម្លៃជួញដូរ ១ ២៥៦ ដុល្លារក្នុងមួយអោន។ ចំណែកទីផ្សារមាសរបស់អាមេរិកវិញ បានឡើងថ្លៃដែររហូតដល់ ១% ស្ថិតនៅក្នុងតម្លៃជួញដូរ ១ ២៦០,៨០ ដុល្លារក្នុងមួយអោន បន្ទាប់ពីបានឡើងថ្លៃដល់ ១ ២៦១,១៥ ដុល្លារកាលពីថ្ងៃ អង្គារកន្លងទៅ។

នៅខណៈនេះ អ្នកជួញដូរនៅ លើទីផ្សារអន្តរជាតិកំពុងតាមដានយ៉ាងយកចិត្តទុកដាក់លើជំនួបកំពូលរវាងប្រធានាធិបតីអាមេរិក Donald Trump និងប្រធានាធិបតីចិន Xi Jinping ដែលនឹងត្រូវធ្វើឡើងនៅថ្ងៃនេះ។ ជំនួបនេះ នឹងមានឥទ្ធិពលដល់ទំនាក់ទំនងរបស់មហាអំណាចទាំងពីរ ដែលជារឿយៗមានការខ្វែងគំនិតគ្នាទៅវិញទៅមកលើភូមិសាស្ត្រនយោបាយអន្តរជាតិ៕

ប្រភព៖ cnbc