ព័ត៌មានជួញដូររូបិយប័ណ្ណ មាស និងប្រេង

ហានិភ័យនៃការជួញដូរក្នុងថ្ងៃនេះ នៅតែស្ថិតនៅក្នុងស្ថានភាពមួយស្រួចស្រាល់ដដែល ខណៈដែលអ្នកវិនិយោគរង់ចាំមើលលទ្ធផលកិច្ចប្រជុំរបស់ធនាគារកណ្តាលជប៉ុន និង អឺរ៉ុបដែលនឹងធ្វើឡើងនៅក្នុងសប្តាហ៍នេះ។

ក៏មានដែរបញ្ហាភាពតានតឹងនៃនៅក្នុងតំបន់ឧបទ្វីបកូរ៉េ ដែលជាការប្រឈមមុខដាក់គ្នារវាងអាមេរិក និង កូរ៉េខាងជើង ខណៈដែលស្ថានភាពជួញដូរភាគហ៊ុននៅចិនត្រូវបានគេមើលឃើញថា មានសញ្ញាណមិនល្អនោះឡើយនៅក្នុងរយៈពេល៤ខែចុងក្រោយនេះ។

ព័ត៌មានជួញដូររូបិយប័ណ្ណ៖
-លុយយ៉េនបានធ្លាក់ថ្លៃអស់ ០,១% ស្ថិតនៅក្នុងតម្លៃជួញដូរ ១១១,១២ យ៉េនក្នុងមួយដុល្លារនៅម៉ោង ៨ ព្រឹកនេះ បន្ទាប់ពីបានធ្លាក់ថ្លៃអស់ ១,២% កាលពីម្សិលមិញ។ កាលពីសប្តាហ៍មុន រូបិយប័ណ្ណមួយនេះបានធ្លាក់ថ្លៃអស់ ២,៥% ។

-ការជួញដូរប្រាក់ដុល្លារអូស្ត្រាលីវិញ ក៏ធ្លាក់ថ្លៃដែរ ពោលគឺធ្លាក់ថ្លៃអស់ ០,២% ត្រូវបានជួញដូរក្នុងតម្លៃ ៧៥,១៧ សេន។

-ចំណែកការជួញដូរប្រាក់ដុល្លារកាណាដា មិនមានការប្រែប្រួលទេ ដោយត្រូវបានជួញដូរក្នុងតម្លៃ ១,៣៥៧៤ ក្នុងមួយដុល្លារបន្ទាប់ពីបានធ្លាក់ថ្លៃអស់០,៥% កាលពីម្សិលមិញ នៅពេលដែលលោក Donald Trump ដាក់ចំណាត់ការថ្មីលើជម្លោះពាណិជ្ជកម្មជាមួយប្រទេសនេះដោយធ្វើការដកហូតពន្ធដល់ទៅ ២៤% សម្រាប់ការនាំឈឺចូល។

មាស និង ប្រេង៖
-ការជួញដូរមាសនៅថ្ងៃនេះមានការប្រែប្រួលតិចតួច ដោយត្រូវបានជួញដូរក្នុងតម្លៃ ១ ២៦៤,៨៩ ដុល្លារក្នុងមួយអោន បន្ទាប់ពីបានធ្លាក់ថ្លៃអស់ ១% កាលពីម្សិលមិញ នៅពេលដែលអ្នកវិនិយោគបានផ្តោតយកចិត្តទុកដាក់ទៅលើគោលនយោបាយទ្រទ្រង់សេដ្ឋកិច្ចរបស់លោក Donald Trump។

-ចំណែកឯទីផ្សារប្រេងឆៅវិញបានធ្លាក់ថ្លៃជាថ្មី ក្នុងចំនួន ០,៤% ស្ថិតនៅក្នុងតម្លៃជួញដូរ ៤៩,៣៤ ដុល្លារក្នុងមួយបារ៉ែល បន្ទាប់ពីបានឡើងថ្លៃកាលពីម្សិលមិញ៕

ប្រភព៖ bloomberg