Monday, October 2, 2017

Home Financial News មាសបន្តធ្លាក់ថ្លៃកាន់តែអាក្រក់ទៅ មិនធ្លាប់មាននៅក្នុងរយៈពេល៧សប្តាហ៍កន្លងទៅនេះ

មាសបន្តធ្លាក់ថ្លៃកាន់តែអាក្រក់ទៅ មិនធ្លាប់មាននៅក្នុងរយៈពេល៧សប្តាហ៍កន្លងទៅនេះ

ការជួញដូរមាសនៅលើទីផ្សារអាស៊ីព្រឹកនេះត្រូវបានគេមើលឃើញថា កំពុងបន្តបោះជំហានក្នុងទិសដៅអវិជ្ជមានតទៅទៀតស្ថិតនៅក្នុងតម្លៃជួញដូរដ៏ទាបបំផុតមួយមិនធ្លាប់មាននៅក្នុងរយៈពេល៧សប្តាហ៍កន្លងទៅនេះ ខណៈដែលការជួញដូរនៅលើទីផ្សារភាគហ៊ុននានាឡើងថ្លៃព្រោងព្រាត។

តម្លៃមាសដែលបានជួញដូរតាមស្បត (Spot Gold) បានធ្លាក់ថ្លៃអស់ ០,២% ទៀតនៅព្រឹកនេះ ហើយធ្លាក់ថ្លៃ មកកាន់តម្លៃជួញដូរ ១ ២៧៦,៤៧ ដុល្លារក្នុងមួយអោនបន្ទាប់ពីបានធ្លាក់ថ្លៃដល់តម្លៃទាបបំផុតមួយពោលគឺ ១ ២៧៣,៩០ ដុល្លារម្តងរួចមកហើយកាលពីថ្ងៃសុក្រកន្លងទៅ។ តម្លៃធ្លាក់ថ្លៃ កាលពីថ្ងៃសុក្រ គឺជាតម្លៃធ្លាក់ថ្លៃមកកាន់តម្លៃដ៏ទាបបំផុតបំផុតមិនធ្លាប់មានគិតចាប់តាំងពីពាក់កណ្តាលខែសីហាមក។

ចំណែកទីផ្សារមាសរបស់អាមេរិកវិញ បានធ្លាក់ថ្លៃអស់ ០,៥% ស្ថិតនៅក្នុងតម្លៃជួញដូរ ១ ២៧៨,៩០ ដុល្លារក្នុងមួយអោន។ ការធ្លាក់ថ្លៃយ៉ាងគំហុករបស់ទីផ្សារមាសទាំងពីរនៅក្នុងខែកញ្ញានេះ គឺជាការធ្លាក់ថ្លៃប្រចាំខែដ៏ច្រើនបំផុតនៅក្នុងឆ្នាំ ២០១៧នេះ។

ប្រធានាធិបតីអាមេរិកលោក Donald Trump កាលពីថ្ងៃអាទិត្យម្សិលមិញបានច្រានចោលលទ្ធភាពមួយនៃការពិភាក្សាជាមួយកូរ៉េខាងជើងថា ជាការខ្ជះខ្ជាយពេលវេលាដ៏ឥតប្រយោជន៍បំផុតមួយបន្ទាប់ពីលេខាផ្ទាល់ខ្លួនរបស់លោកបានបង្ហើបថា ទីក្រុងវ៉ាស៊ីនតោនកំពុងបើកផ្លូវឲ្យមានការទំនាក់ទំនងដ៏ល្អប្រសើរមួយឡើងវិញជាមួយរដ្ឋាភិបាលទីក្រុងព្យុងយ៉ាង។

កាលពីថ្ងៃសៅរ៍កន្លងទៅ អាមេរិកបាននិយាយថា ខ្លួននឹងទំនាក់ទំនងដោយផ្ទាល់ជាមួយកូរ៉េខាងជើងលើដំណោះស្រាយកម្មវិធីអាវុធនុយក្លេអ៊ែររបស់ខ្លួន។ ក៏ប៉ុន្តែត្រូវបានរដ្ឋាភិបាលទីក្រុងព្យុងយ៉ាងលើកឡើងថា ខ្លួនគ្មានចំណាប់អារម្មណ៍លើកិច្ចពិភាក្សានេះឡើយ។

ងាកមកមើលស្ថានការណ៍នៅក្នុងធនាគារកណ្តាលអាមេរិកវិញ លោកTrump កំពុងស្វះស្វែងរកឥស្សរជនម្នាក់មកជំនួសតំណែងលោកស្រី Janet Yellen ជាប្រមុខធនាគារកណ្តាលអាមេរិកបច្ចុប្បន្នដោយសន្យាថា ការសម្រេចចិត្តនឹងធ្វើឡើងនៅខែក្រោយ។

លោក Patrick Harker ប្រធានធនាគារកណ្តាលអាមេរិកមកពីទីក្រុង Philadelphia បានមានប្រសាសន៍កាលពីថ្ងៃសុក្រកន្លងទៅថា វានៅតែមាន បញ្ហាមួយចំនួនក្នុងការដំឡើងអត្រាការប្រាក់នៅក្នុងខែធ្នូខាងមុខនេះ និងការដំឡើងអត្រាការប្រាក់ចំនួន ៣ ដងបន្ថែមទៀតនៅឆ្នាំក្រោយ។

ការចំណាយរបស់អ្នកប្រើប្រាស់នៅអាមេរិកបានកើនឡើងតិចតួចប៉ុណ្ណោះនៅក្នុងខែសីហាកន្លងទៅ ខណៈដែលព្យុះសង្ឃរា Harvey និងព្យុះ Irmaនៅពេលកន្លងមកបានជះឥទ្ធិពលដល់វិស័យឧស្សាហកម្មរបស់ប្រទេសនេះ។ ទាំងនេះបានបណ្តាលអតិផរណាប្រចាំឆ្នាំ មានកំណើនយឺតបំផុតមិនធ្លាប់មាននៅក្នុងរយៈពេលជិតពីរឆ្នាំកន្លងទៅ ដែលអាចបញ្ជាក់ជាមុនថា សេដ្ឋកិច្ចទីក្រុងវ៉ាស៊ីនតោនត្រូវតែធ្វើកំណែទម្រង់បន្ថែមទៀតនៅក្នុងត្រីមាសទី៣នេះ។

ងាកទៅមើលអតិផរណានៅតំបន់ចាយប្រាក់អឺរ៉ូវិញបង្ហាញពីការរំពឹងទុកនៃការកើនឡើងនៅក្នុងខែកញ្ញានេះ។ ទិន្នន័យរបស់ក្រុមហ៊ុន Eurostat បានបង្ហាញកាលពីថ្ងៃសុក្រកន្លងទៅថា កំណើនតម្លៃទំនិញប្រើប្រាស់មានការកើនឡើងហើយនេះនឹងជួយគាំទ្រដល់ធនាគារកណ្តាលអឺរ៉ុបសម្រាប់ប្រតិបត្តិការលើសកម្មភាពរបស់ខ្លួន៕

ប្រភព៖ cnbc