channyfx

Unknown 10:42 AM 0

ការជួញដូរនៅលើផ្សារភាគហ៊ុនអាស៊ីនៅព្រឹកថ្ងៃសុក្រនេះត្រូវបានគេមើលឃើញថា បានឡើងចុះមិនស្របគ្នានោះឡើយ បន្ទាប់ពីផ្សារភាគហ៊ុន Wall Street របស់អាមេរិកបានរង្គោះរង្គើ ខណៈដែលផ្សារភាគហ៊ុនអឺរ៉ុបបានបិទបញ្ចប់ការជួញដូរធ្លាក់ថ្លៃដែរកាលពីយប់មិញ។

សន្ទស្សន៍ជួញដូរផ្សារភាគហ៊ុន Nikkei 225 របស់ជប៉ុនបានធ្លាក់ថ្លៃអស់ ០,៣២% នៅពេលចាប់ផ្តើមជួញដូរដំបូងព្រឹកនេះបន្ទាប់ពីផ្សារភាគហ៊ុនមួយនេះបានបិទបញ្ចប់ក្នុងតម្លៃឡើងថ្លៃជាប់ៗគ្នានៅក្នុងរយៈពេល ១៣ ថ្ងៃកាលពីម្សិលមិញ។ ចំណែកនយោបាយនៅក្នុងប្រទេសកំពុងស្ថិតនៅក្នុងផ្ទាំងស៊ីបនៃការតាមដានរបស់អ្នកជួញដូរ ខណៈដែលប្រទេសនេះនឹងរៀបចំការបោះឆ្នោតជាតិមួយនៅថ្ងៃទី ២២ តុលានេះ។

ងាកទៅមើលផ្សារភាគហ៊ុន Kospi របស់កូរ៉េខាងត្បូងវិញ បានឡើងថ្លៃ ០,៣១ ។ ភាគហ៊ុនរបស់ក្រុមហ៊ុនបច្ចេកវិជ្ជារបស់ខ្លួនកំពុងជួញដូរក្នុងទិសដៅវិជ្ជមាន ដែលបានជួយកាត់បន្ថយការខាតបង់កាលពីថ្ងៃព្រហស្បតិ៍ម្សិលមិញ។ ភាគហ៊ុនក្រុមហ៊ុន Samsung Electronics បានឡើងថ្លៃ ០,៥៣% ភាគរយ និងក្រុមហ៊ុនរថយន្តផ្សេងៗទៀតសុទ្ធតែឡើងថ្លៃដូចគ្នា។

ចំណែកផ្សារភាគហ៊ុន S & P / ASX 200 របស់អូស្ត្រាលីវិញ មិនមានការប្រែប្រួលខ្លាំងនោះទេ។ ភាគហ៊ុនរបស់ក្រុមហ៊ុនចម្រុះ មានសញ្ញាណវិជ្ជមានច្រើននៅព្រឹកនេះ។ ប៉ុន្តែវាបានទៅប៉ះប៉ូវនៃការធ្លាក់ចុះនៃភាគហ៊ុនរបស់ក្រុមហ៊ុនថាមពល និងក្រុមហ៊ុនប្រេង ដែលកំពុងជួញដូរក្នុងបន្ទាប់ក្រហម។ នៅឥណ្ឌាទីផ្សារភាគហ៊ុនរបស់ខ្លួនមិនបានបើកឲ្យជួញដូរទេ ដោយសារតែចូលរួមពិធីបុណ្យឈប់សម្រាកប្រចាំឆ្នាំ។

ធ្វើដំណើរទៅមើលការជួញដូរនៅលើផ្សារភាគហ៊ុនចិន សន្ទស្សន៍ភាគហ៊ុន Hang Seng របស់ហុងកុងកំពុងជួញដូរទំនោរទៅតាមទិន្នន័យពាណិជ្ជកម្មរបស់ចិន។ កាលពីថ្ងៃព្រហស្បតិ៍ម្សិលមិញ សន្ទស្សន៍ផ្សារភាគហ៊ុននេះបានបិទការជួញដូរក្នុងតម្លៃធ្លាក់ថ្លៃដល់ទៅ ២% នៅពេលមានព័ត៌មានជាច្រើនស្តីពីស្ថានភាពពាណិជ្ជកម្ម និង សារចេញពីប្រមុខធនាគារកណ្តាលចិន។ បើតាមប្រមុខធនាគារកណ្តាលចិនលោក Zhou Xiaochuan បានព្រមានកាលពីថ្ងៃព្រហស្បតិ៍ម្សិលមិញថា ភាពសុទិដ្ឋិនិយមច្រើនពេកនៅលើអាចនាំឱ្យដួលរលំលើការជួញដូរនៅលើទីផ្សារ។

ងាកទៅមើលផ្សារភាគហ៊ុនអាមេរិកវិញ បានបិទការជួញដូរក្នុងតម្លៃប្រែប្រួលបន្តិចបន្តួចបន្ទាប់ពីរបាយការណ៍របស់សារព័ត៌មាន Politico បានចេញផ្សាយថា លោកប្រធានាធិបតី Donald Trump បានសម្លឹងមើលលោក Jerome Powell ជាបេក្ខជនលេចធ្លោជាងគេអាចនឹងជំនួសតំណែងលោកស្រី Janet Yellen ដែលជាប្រមុខធនាគារកណ្តាលអាមេរិកបច្ចុប្បន្ន។

នៅអឺរ៉ុបវិញ សន្ទស្សន៍ជួញដូរនៅលើផ្សារភាគហ៊ុននានាសុទ្ធតែបិទបញ្ចប់ក្នុងតម្លៃជួញដូរធ្លាក់ថ្លៃទាំងអស់ បន្ទាប់ពីរដ្ឋាភិបាលអេស្ប៉ាញបានលើកឡើងថា ខ្លួនចង់ពន្យារពេលលើការទាមទារផ្តាច់ខ្លួននៃតំបន់ Catalane បន្ទាប់ពីមេដឹកនាំតំបន់នេះ មិនបានបញ្ជាក់ច្បាស់លាស់នៅឡើយពីការប្រកាសឯករាជ្យភាពរបស់ខ្លួន៕

ប្រភព៖ cnbc

ទីផ្សារប្រេងឆៅបន្តឡើងថ្លៃខ្ពស់ជាថ្មីទៀត

Unknown 2:14 PM 0

ទីផ្សារប្រេងឆៅកំពុងមានប្រជាប្រិយភាពកាន់តែខ្លាំងនៅថ្ងៃពុធនេះ ដោយសារមានការធ្លាក់ចុះនៃការផលិតប្រេងរបស់អាមេរិក និងការព្រួយបារម្ភថា ភាពតានតឹងនៅក្នុងតំបន់មជ្ឈឹមបូព៌ាអាចបង្អាក់ដល់ការផ្គត់ផ្គង់ប្រេងនៅលើទីផ្សារអន្តរជាតិ។

តម្លៃប្រេងឆៅនៅលើទីផ្សារអន្តរជាតិបានឡើងថ្លៃដល់តម្លៃ ៥៨,២៧ ដុល្លារក្នុងមួយបារ៉ែល ពោលគឺបានឡើងថ្លៃបាន ៣៩ សេន ឬស្មើនឹង ០,៧% ពីតម្លៃបិទការជួញដូរចុងក្រោយកាលពីម្សិលមិញ។ តម្លៃនេះ គឺជាតម្លៃជួញដូរខ្ពស់បំផុតជាលើកទី៣នៅក្នុងឆ្នាំនេះ។ ចំណែកទីផ្សារជួញដូរប្រេងឆៅរបស់អាមេរិក West Texas Intermediate (WTI) មានតម្លៃ ៥២,០៨ ដុល្លារក្នុងមួយបារ៉ែល ឡើងថ្លៃបាន ២០ សេន ឬស្មើនឹង ០,៤%។

អ្នកជួញដូរនានាបានលើកឡើងថា ទីផ្សារប្រេងឡើងថ្លៃនេះគឺដោយសារតែមានការរុញច្រានពីទិន្នន័យធ្លាក់ចុះនៅក្នុងទីផ្សារផលិតប្រេងរបស់អាមេរិក រួមទាំងទាំងការព្រួយបារម្ភទៅ នឹងព័ត៌មានវាយប្រយុទ្ធគ្នានៅអ៊ីរ៉ាក់ និងការប្រឈមមុខដាក់គ្នារវាងអាមេរិក និងអ៊ីរ៉ង់ដែលនឹងអាចប៉ះពាល់ដល់ការផ្គត់ផ្គង់ប្រេងឆៅនៅលើទីផ្សារសាកល។

វិទ្យាស្ថានប្រេងឥន្ធនៈអាមេរិក (API) បានរាយការណ៍កាលពីថ្ងៃអង្គារម្សិលមិញថា ការស្តុកប្រេងឆៅរបស់ខ្លួនបានធ្លាក់ចុះអស់ ៧,១ លានបារ៉ែលក្នុងសប្តាហ៍ថ្ងៃទី១៣ ខែតុលាកន្លងទៅនេះមកត្រឹមចំនួនសរុប ៤៦១,៤ លានបារ៉ែលប៉ុណ្ណោះ។ ក្រៅពីនេះ ទិន្នន័យស្តីពីការស្តុកប្រេងឥន្ធនៈផ្លូវការរបស់អាមេរិកនឹងត្រូវចេញផ្សាយជាសាធារណៈផងដែរនៅយប់នេះ។

បន្ថែមពីលើសម្ពាធផលិតប្រេងឆៅក្នុងទីផ្សារអាមេរិក ការកើនឡើងនៃភាពតានតឹងនៅតំបន់មជ្ឈិមបូព៌ាមានន័យថា ជាសញ្ញាណវិជ្ជមានមួយសម្រាប់ធ្វើឲ្យទីផ្សារប្រេងឆៅងើបឡើងវិញ។ កាលពីដើមសប្តាហ៍នេះ កងកម្លាំងរដ្ឋាភិបាលអ៊ីរ៉ាក់បានដណ្តើមបានទីក្រុងប្រេង Kirkuk មកវិញ ដែលកាន់កាប់ដោយជនជាតិ ឃឺដក្រោយពួកគេបានធ្វើប្រជាមតិប្រកាសឯករាជ្យផ្តាច់ខ្លួន ដែលសកម្មភាពនេះធ្វើឲ្យរាំងស្ទះដល់ការផ្គត់ផ្គង់ប្រេងឆៅ។

ក្រៅពីនេះ ភាពតានតឹងនៃការប្រឈមមុខដាក់គ្នារវាងរដ្ឋាភិបាលអាមេរិក និងអ៊ីរ៉ង់បានដាក់សម្ពាធថ្មីកាន់តែខ្លាំងឡើងដល់ទីផ្សារប្រេងឆៅ។ កាលពីថ្ងៃសុក្រកន្លងទៅ លោក Donald Trump បានបដិសេធមិនព្រមបញ្ជាក់ពីការជំហររបស់អ៊ីរ៉ង់លើការអនុវត្តិកិច្ចព្រមព្រៀងនុយក្លេអ៊ែរដែលបានទុកពេលឲ្យ៦០ថ្ងៃទៀត ដើម្បីសម្រេចចិត្តថា នឹងធ្វើសកម្មភាពអ្វីបន្ថែមទៀតប្រឆាំងទៅនឹងប្រទេសនេះ៕

ប្រភព៖ cnbc

ផ្សារភាគហ៊ុនអាស៊ីប្រែប្រួលតិចតួច ស្របពេលដែលអ្នកជួញដូរកំពុងឃ្លាំមើលសមាជជាតិរបស់បក្សកុម្មុយនិស្តចិន

Unknown 10:23 AM 0

ការជួញដូរនៅលើផ្សារភាគហ៊ុនអាស៊ីព្រឹកនេះមានស្ថានភាពប្រែប្រួលតិចតួចប៉ុណ្ណោះ ខណៈដែលអ្នកជួញដូរក្នុងតំបន់នេះកំពុងឃ្លាំមើលសមាជជាតិប្រចាំឆ្នាំរបស់បក្សកុម្មុយនិស្តចិនដើម្បីដឹងពីសញ្ញាទិសដៅគោលនយោបាយនាពេលអនាគតរបស់មហាអំណាចសេដ្ឋកិច្ចធំជាងគេបំផុតទី២នៅលើពិភពលោកមួយនេះ។

សន្ទស្សន៍ជួញដូរនៅលើផ្សារភាគហ៊ុនជប៉ុន Nikkei 225 បានធ្លាក់ថ្លៃបន្តិចបន្តួចប៉ុណ្ណោះត្រឹមតែ ០,០០៩% បន្ទាប់ពីបានឡើងថ្លៃជាប់ៗគ្នានៅ ក្នុងរយៈពេល១១ថ្ងៃកន្លងទៅគិតត្រឹមថ្ងៃអង្គារម្សិលមិញ។ ភាគហ៊ុនរបស់ក្រុមហ៊ុននាំចូលសំខាន់ៗរបស់ប្រទេស បានឡើងចុះមិនស្របគ្នា បើទោះបីជា ភាគហ៊ុនរបស់ក្រុមហ៊ុនបច្ចេកវិទ្យាភាគច្រើនបានឡើងថ្លៃក៏ដោយ។

ឆ្លងពីដែនដីជប៉ុនមកកាន់ទឹកដីកូរ៉េវិញ សន្ទស្សន៍ជួញដូរភាគហ៊ុន Kospi បានធ្វើផ្លាស់ប្ដូរនៅពេលបើកការជួញដូរដំបូង ដោយបានធ្លាក់ថ្លៃអស់ ០,១៦%។ ការធ្លាក់ចុះ នេះគឺដោយសារតែភាគហ៊ុនរបស់ក្រុមហ៊ុន របស់ក្រុមហ៊ុនបច្ចេកវិទ្យាធំៗបានធ្លាក់ចុះ បើទោះបីជាភាគហ៊ុនរបស់ក្រុមហ៊ុនរថយន្តធំៗ របស់ខ្លួនត្រូវបានជួញដូរឡើងថ្លៃក៏ដោយ។

ងាកទៅមើលផ្សារភាគហ៊ុនអូស្ត្រាលីវិញ សន្ទស្សន៍ជួញដូរផ្សារភាគហ៊ុន S & P / ASX 200 បានឡើងថ្លៃ ០,២៣% ដោយបានរួមចំណែកពីសញ្ញាណល្អនៃភាគហ៊ុនរបស់ក្រុមហ៊ុនផ្គត់ផ្គង់បរិក្ខារ។ ចំណែកភាគហ៊ុនរបស់ក្រុមហ៊ុនរ៉ែថាមពល និង ទូរគមនាគមន៍មិនទទួលបានការជួញដូរក្នុងទិសដៅវិជ្ជមាននោះឡើយ។

ត្រឡប់មកមើលការជួញដូរនៅលើទីផ្សារភាគហ៊ុនធំៗរបស់ចិន ត្រូវបានគេមើលឃើញថា កំពុងមានស្ថិរភាពនៅឡើយ ពោលគឺមិនមានការប្រែប្រួលច្រើននោះទេ នៅស្របពេលដែលសមាជជាតិលើកទី១៩ កំពុងរៀបចំឡើងនៅថ្ងៃនេះ។ សន្ទស្សន៍ជួញដូរនៅលើផ្សារភាគហ៊ុន Hang Seng របស់ហុងកុងបានធ្លាក់ធ្លាក់ថ្លៃបន្តិចត្រឹមតែ ០,០៥% នៅខណៈដែលសន្ទស្សន៍ជួញដូរផ្សារភាគហ៊ុនសៀងហៃ បានឡើងថ្លៃត្រឹមតែ ០,០១% និងផ្សារភាគហ៊ុនបានឡើងថ្លៃ ០,១៣%។

ទីផ្សារជួញដូរកំពុងឃ្លាំមើលយ៉ាងយកចិត្តទុកដាក់លើការវិវត្តន៍នានានៅក្នុងកិច្ចប្រជុំកំពូលមួយនេះ នៅពេលសមាជជាតិចាប់ផ្តើមដំណើរការ។ បើទោះបីជាយ៉ាងណាក៏ដោយ កិច្ចប្រជុំនៅលើកមុន បានបង្ហាញដល់អ្នកជួញដូររួចមកហើយពីពន្លឺខ្លះៗនៃទិសដៅសេដ្ឋកិច្ចរបស់មហាអំណាចនេះ ហើយគេជឿថា ប្រធានបទប្រាក់បំណុលដ៏ច្រើនរបស់ខ្លួននឹងត្រូវលើកយកពិភាក្សានៅក្នុងកិច្ចប្រជុំនេះ។

ក្រៅពីសមាជាតិខាងលើ អ្នកជួញដូរកំពុងរង់ចាំទិន្នន័យសេដ្ឋកិច្ចសំខាន់ៗរបស់ចិនដែលរួមមាន ទិន្នន័យផលិតកម្មក្នុងវិស័យឧស្សាហកម្ម និង ទិន្នន័យ GDP សម្រាប់ត្រីមាសទី៣ប្រចាំឆ្នាំ ២០១៧ដែលនឹងចេញផ្សាយនៅថ្ងៃទី ១៩ តុលាខាងមុខ៕

ប្រភព៖ cnbc

Support, Resistance and Pivot Point (18-10-2017)

Unknown 10:09 AM 0

មាសឡើងថ្លៃក្រោយធ្លាក់ថ្លៃខ្លាំងកាលពីយប់មិញ ខណៈដែលទីផ្សារប្រាក់ដុល្លារនៅមានសញ្ញាណវិជ្ជមាននៅឡើយ

Unknown 10:07 AM 0

ការជួញដូរមាសនៅថ្ងៃអង្គារនេះ បានងាកចេញពីតម្លៃជួញដូរធ្លាក់ថ្លៃមកកាន់តម្លៃមួយទាបបំផុតក្នុងសប្តាហ៍នេះ ខណៈដែលទីផ្សារប្រាក់ដុល្លារនៅមានសញ្ញាណល្អនៅឡើយ ស្របពេលដែលអ្នកជួញដូរនៅលើទីផ្សារអន្តរជាតិកំពុងសម្លឹងមើលពីលទ្ធភាពដែលប្រធានាធិបតីអាមេរិកDonald Trump នឹងជ្រើសរើសប្រធានធនាគារកណ្តាលថ្មីជំនួសលោកស្រី Janet Yellen។

ទីផ្សារមាសតាមស្បត បានឡើងថ្លៃ ០,១% ត្រូវបានជួញដូរក្នុងតម្លៃ ១ ២៨៧,១០ ដុល្លារក្នុងមួយអោននៅម៉ោង ៩:៣០ នាទីព្រឹកនេះ បន្ទាប់ពីវាបានធ្លាក់ថ្លៃដល់តម្លៃ ១ ២៨១,៣១ ដុល្លារក្នុងមួយអោន ដែលជាតម្លៃជួញដូរទាបបំផុតប្រចាំសប្តាហ៍នេះ ។ ចំណែកទីផ្សារមាសរបស់អាមេរិកវិញ បានឡើងថ្លៃ ០,២% ត្រូវបានជួញដូរក្នុងតម្លៃ ១ ២៨៨,៣ ដុល្លារក្នុងមួយអោន។

អ្នកជួញដូរនៅលើទីផ្សារឃ្លាំមើលថា តើនរណានឹងក្លាយជាប្រមុខធនាគារកណ្តាលអាមេរិកថ្មីមកដឹកនាំជំនួសលោក Yellen ដែលបានផុតអាណត្តិនៅក្នុងខែ កុម្ភៈ ឆ្នាំ ២០១៨ ខាងមុខ។ យ៉ាងណាមិញ អ្នកជួញដូរបានរំពឹងទុកថា ធនាគារកណ្តាលអាមេរិកនឹងដំឡើងអត្រាការប្រាក់ជាលើកទីបីនៅខែធ្នូចុងឆ្នាំ នេះបន្ទាប់ពីលោក John Taylor ជាសេដ្ឋវិទូដ៏ល្បីល្បាញមកពីសាកលវិទ្យាល័យ Stanford ក៏បានក្លាយជាបេក្ខភាពដ៏សំខាន់នៅក្នុងចំណោមបេក្ខភាព៥រូបដែលត្រូវបានជ្រើសរើសនេះ។

លោក John Taylor ត្រូវបានគេស្គាល់ថា ជាអ្នកគាំទ្រគោលនយោបាយរូបិយវត្ថុដ៏សំខាន់មួយរូប។ វត្តមានរបស់លោក John Taylor គឺបានផ្តល់ទាក់ទាញអ្នកជួញដូរឲ្យនឹកដល់រូបមន្តគោលនយោបាយហិរញ្ញវត្ថុរបស់លោកដែលថា អត្រាប្រាក់របស់ធនាគារកណ្តាលត្រូវតែខ្ពស់ជាងគោលដៅអត្រាការប្រាក់បច្ចុប្បន្ន។ ក៏ប៉ុន្តែ លទ្ធផលយ៉ាងណានោះ គេអាចត្រូវរង់ចាំរហូតដល់ដើមខែក្រោយ ដែលលោក Trump អាចប្រកាសតែងតាំងជាប្រធានធនាគារកណ្តាលនៅមុនដំណើរទស្សនកិច្ចរបស់លោកទៅ កាន់តំបន់អាស៊ីនៅដើមខែក្រោយនេះ។

យ៉ាងណាមិញ បើយោងតាមលទ្ធផលបោះឆ្នោតស្ទាបស្ទង់ធ្វើឡើងដោយសារព័ត៌មាន Reuters បានបង្ហាញថា លោក Jerome Powell ដែលជាអភិបាលធនាគារកណ្តាលអាមេរិកបច្ចុប្បន្នទំនងត្រូវបានជ្រើសរើសជាប្រធានស្ថាប័ននេះ។ ទោះបីជាបែបនេះក្តី លោកស្រី Janet Yellen នៅតែមានភាគរយខ្ពស់ដែលថា លោកស្រីនឹងនៅតែបន្តដឹកនាំស្ថាប័ននេះតទៅទៀត៕

ប្រភព៖ cnbc

ដុល្លារឡើងថ្លៃជាថ្មីទៀត ខណៈអ្នកជួញដូរកំពុងរង់ចាំមើលការជ្រើសរើសអនាគតប្រមុខធនាគារកណ្តាលអាមេរិក

Unknown 10:05 AM 0

ការជួញដូរប្រាក់ដុល្លារធៀបទៅនឹងគូររូបិយប័ណ្ណសំខាន់ៗចំនួន៦ ត្រូវបានគេមើលឃើញថា បានឡើងថ្លៃនៅព្រឹកថ្ងៃពុធនេះ ខណៈដែលអ្នកជួញដូរនៅលើទីផ្សារអន្តរជាតិកំពុងសម្លឹងមើលពីលទ្ធភាពដែលប្រធានាធិបតីអាមេរិកDonald Trump នឹងជ្រើសរើសប្រធានធនាគារកណ្តាលថ្មីជំនួសលោកស្រី Janet Yellen។

នៅព្រឹកនេះ សន្ទស្សន៍ជួញដូរប្រាក់ដុល្លារធៀបទៅនឹងរូបិយប័ណ្ណសំខាន់ៗ បានត្រឡប់ឡើងថ្លៃមកកាន់ទីតាំងតម្លៃ ៩៣,៤៧៥ វិញ ពីតម្លៃធ្លាក់ថ្លៃ ៩២,៧៤៩ កាលពីថ្ងៃសុក្រចុងសប្តាហ៍មុន។ ការឡើងថ្លៃជាថ្មីនេះ បានកើតមានឡើងបន្ទាប់ពីវាបានឡើងថ្លៃ ខ្ពស់ម្តងរួចមកហើយកាលពីម្សិលមិញដែលបានហក់ឡើងដល់ ៩៣៧២៩។

ជាមួយនឹងការរំពឹងទុកថា ធនាគារកណ្តាលអាមេរិកនឹងដំឡើងអត្រាការប្រាក់ជាលើកទីបីនៅខែធ្នូចុងឆ្នាំ នេះ អ្នកជួញដូរនៅលើទីផ្សារឃ្លាំមើលថា តើនរណានឹងក្លាយជាប្រមុខធនាគារកណ្តាលអាមេរិកថ្មីមកដឹកនាំជំនួសលោក Yellen ដែលបានផុតអាណត្តិនៅក្នុងខែ កុម្ភៈ ឆ្នាំ ២០១៨ ខាងមុខ។ លោក Trump បានជ្រើសរើសបេក្ខភាព៥រូបរួចហើយ ហើយគេរំពឹងថា លោកនឹងអាចប្រកាសពីប្រធានធនាគារកណ្តាលថ្មី នេះនៅមុនដំណើរទស្សនកិច្ចរបស់លោកទៅ កាន់តំបន់អាស៊ីនៅដើមខែក្រោយនេះ។

ប្រាក់ដុល្លារបានឡើងថ្លៃនៅសប្តាហ៍នេះ បន្ទាប់ពីទទួលបានព័ត៌មានថា លោក John Taylor ជាសេដ្ឋវិទូមកពីសាកលវិទ្យាល័យ Stanford ក៏បានក្លាយជាបេក្ខភាពដ៏សំខាន់នៅក្នុងចំណោមបេក្ខភាព៥រូបដែលត្រូវបានជ្រើសរើសនេះ។ លោក ត្រូវបានគេស្គាល់ថា ជាអ្នកគាំទ្រគោលនយោបាយរូបិយវត្ថុដ៏សំខាន់មួយរូប ហើយយោងតាមរូបមន្តរបស់លោកដែលត្រូវបានគេស្គាល់ថា ច្បាប់គ្រប់គ្រងរបស់លោក Taylor គឺថា អត្រាប្រាក់របស់ធនាគារកណ្តាលត្រូវតែខ្ពស់ជាងគោលដៅអត្រាការប្រាក់បច្ចុប្បន្ន។

នេះជាមូលដ្ឋានដ៏សំខាន់ធ្វើឲ្យអ្នកជួញដូរគិតថា ធនាគារកណ្តាលនឹងដំឡើងអត្រាការប្រាក់នៅពេលឆាប់ៗខាងមុខ។ ធៀបទៅនឹងលុយអឺរ៉ូ ដុល្លារឡើងថ្លៃបន្តិច ត្រូវបានជួញដូរក្នុងតម្លៃ ១,១៧៧០ ដុល្លារ ពោលគឺបានប្រែប្រួលបន្តិចបន្តួចនៅពេលចាប់ផ្តើមជួញដូរក្នុងទីផ្សារអាស៊ី។ ប៉ុន្តែ សម្រាប់ប្រាក់អឺរ៉ូវិញ បានធ្លាក់ថ្លៃអស់ ០,៥% គិតចាប់តាំងពីដើមសប្តាហ៍នេះ។

ធៀបទៅនឹងលុយយ៉េនវិញ ប្រាក់ដុល្លារក៏មិនទាន់មានការប្រែប្រួលខ្លាំងនោះដែរ ខណៈដែលអ្នកជួញដូរនៅតែមានការព្រួយបារម្ភទៅនឹងព្រឹត្តិការណ៍បោះឆ្នោតជាតិរបស់ជប៉ុនដែលនឹងធ្វើឡើងនៅថ្ងៃអាទិត្យនេះ។ ទោះបីជាគណបក្សកាន់អំណាចរបស់លោកនាយករដ្ឋមន្ត្រី Shinzo Abeត្រូវគេរំពឹងថា នឹងរក្សាសំឡេងភាគច្រើននៅក្នុងសភាក៏ដោយ ក៏ព្រឹត្តិការណ៍នយោបាយនៅក្នុងចក្រភពអង់គ្លេស និងតំបន់ផ្សេងទៀតបានធ្វើឱ្យអ្នកជួញដូរមានការប្រុងប្រយ័ត្ន៕

ប្រភព៖ cnbc

Technical Analysis Tue, Oct 17, 2017

Unknown 2:36 PM 0

Dear Customers,
Daily Technical Analysis Tue, Oct 17, 2017
* Please note that due to market volatility, some of the below sight prices may have already been reached and scenarios played out.

#EUR/USD Intraday: consolidation.
Pivot: 1.1815
Most Likely Scenario: short positions below 1.1815 with targets at 1.1760 & 1.1740 in extension.
Alternative scenario: above 1.1815 look for further upside with 1.1835 & 1.1850 as targets.
Comment: the RSI is bearish and calls for further downside.
#GBP/USD Intraday: as long as the resistance at 1.3290 is not surpassed, the risk of the break below 1.3220 remains high.
Pivot: 1.3290
Most Likely Scenario: short positions below 1.3290 with targets at 1.3220 & 1.3180 in extension.
Alternative scenario: above 1.3290 look for further upside with 1.3325 & 1.3350 as targets.
Comment: as long as the resistance at 1.3290 is not surpassed, the risk of the break below 1.3220 remains high.
#USD/JPY Intraday: the RSI shows upside momentum.
Pivot: 111.85
Most Likely Scenario: long positions above 111.85 with targets at 112.30 & 112.55 in extension.
Alternative scenario: below 111.85 look for further downside with 111.65 & 111.40 as targets.
Comment: the RSI shows upside momentum.
#AUD/USD Intraday: as long as 0.7875 is resistance, look for choppy price action with a bearish bias.
Pivot: 0.7875
Most Likely Scenario: short positions below 0.7875 with targets at 0.7825 & 0.7805 in extension.
Alternative scenario: above 0.7875 look for further upside with 0.7900 & 0.7925 as targets.
Comment: as long as 0.7875 is resistance, look for choppy price action with a bearish bias.
#Gold spot Intraday: the RSI calls for a new downleg.
Pivot: 1299.00
Most Likely Scenario: short positions below 1299.00 with targets at 1290.00 & 1284.00 in extension.
Alternative scenario: above 1299.00 look for further upside with 1306.00 & 1310.00 as targets.
Comment: the RSI calls for a new downleg.

Support, Resistant and Pivot Point (17-10-2017)

Unknown 9:59 AM 0

Support, Resistance and Pivot Point (13-10-2017)

Unknown 4:42 PM 0

Technical Analysis Fri, Oct 13, 2017

Unknown 4:40 PM 0

Dear Customers,
Daily Technical Analysis Fri, Oct 13, 2017
* Please note that due to market volatility, some of the below sight prices may have already been reached and scenarios played out.

#EUR/USD Intraday: caution.
Pivot: 1.1855
Most Likely Scenario: short positions below 1.1855 with targets at 1.1820 & 1.1795 in extension.
Alternative scenario: above 1.1855 look for further upside with 1.1880 & 1.1900 as targets.
Comment: intraday technical indicators are mixed and call for caution.
#GBP/USD Intraday: the RSI is bullish and calls for further upside.
Pivot: 1.3220
Most Likely Scenario: long positions above 1.3220 with targets at 1.3290 & 1.3345 in extension.
Alternative scenario: below 1.3220 look for further downside with 1.3175 & 1.3125 as targets.
Comment: the RSI is bullish and calls for further upside.
#USD/JPY Intraday: the RSI is capped by a declining trend line.
Pivot: 112.45
Most Likely Scenario: short positions below 112.45 with targets at 111.95 & 111.80 in extension.
Alternative scenario: above 112.45 look for further upside with 112.60 & 112.80 as targets.
Comment: the RSI is capped by a declining trend line.
#AUD/USD Intraday: technically the RSI is above its neutrality area at 50.
Pivot: 0.7805
Most Likely Scenario: long positions above 0.7805 with targets at 0.7855 & 0.7875 in extension.
Alternative scenario: below 0.7805 look for further downside with 0.7785 & 0.7770 as targets.
Comment: technically the RSI is above its neutrality area at 50.
#Gold spot Intraday: the RSI advocates for further advance.
Pivot: 1289.50
Most Likely Scenario: long positions above 1289.50 with targets at 1301.00 & 1306.00 in extension.
Alternative scenario: below 1289.50 look for further downside with 1284.00 & 1281.00 as targets.
Comment: the RSI advocates for further advance.

ទីផ្សារប្រេងឆៅឡើងថ្លៃខ្ពស់ជាថ្មី

Unknown 4:37 PM 0

នៅថ្ងៃសុក្រក្រោយនៃសប្តាហ៍នេះ ទីផ្សារប្រេងឆៅកំពុងបន្តឡើងថ្លៃខ្ពស់ជាថ្មីទៀត ខណៈដែលអាជីវកម្មបូមប្រេងប្រេងឆៅ និង ចម្រាញ់ប្រេងរបស់អាមេរិកបានធ្លាក់ចុះដែលជាសញ្ញាណល្អពីកំណើនតម្រូវការប្រើប្រាស់នៅលើទីផ្សារអន្តរជាតិ។

ទន្ទឹមនឹងអង្គការ OPEC ដែលជាស្ថាប័នដ៏សំខាន់សម្រាប់ជួយជ្រោមជ្រែងឲ្យមានការ កាត់បន្ថយការផលិតប្រេងឆៅច្រើនលើសលប់ អ្នកវិភាគច្រើនបាននិយាយថា ទីផ្សារប្រេងឆៅនៅលើពិភពលោកកំពុងស្ថិតនៅលើផ្លូវមួយឆ្ពោះទៅរកតម្លៃជួញដូរមួយមានតុល្យភាពគួរឲ្យទុកចិត្តបាន បន្ទាប់ពីមានការផ្គត់ផ្គង់យ៉ាងច្រើនសន្ធឹកសន្ធាប់នៅក្នុងរយៈពេលប៉ុន្មានឆ្នាំចុងក្រោយនេះ។

ការជួញដូរប្រេងឆៅនៅលើទីផ្សារអន្តរជាតិ មានតម្លៃ ៥៦,៣៥ ដុល្លារក្នុងមួយបារ៉ែល ឬ បានឡើងថ្លៃ ០២% ស្មើនឹង ១០ សេន ពីតម្លៃបិទការជួញដូរកាលពីថ្ងៃម្សិលមិញ។ ចំណែកការជួញដូរប្រេងឆៅរបស់អាមេរិក (WTI) នៅព្រឹកនេះកំពុងស្ថិតនៅលើទីតាំងតម្លៃ ៥០,៧២ ដុល្លារក្នុងមួយបារ៉ែល ពោលគឺបានឡើងថ្លៃ ១២ សេន ឬស្មើនឹង ០,១% ធៀបទៅនឹងតម្លៃបិទការជួញដូរចុងក្រោយកាលពីថ្ងៃម្សិលមិញ។

ការឡើងថ្លៃនៃទីផ្សារប្រេងឆៅខាងលើនេះបានកើតមានក្រោយពេលដែល មន្ទីរថាមពល (EIA) របស់អាមេរិកបានឲ្យដឹងកាលពីថ្ងៃព្រហស្បតិ៍ម្សិលមិញថា ការចម្រាញ់ប្រេងឆៅរបស់ខ្លួនបានធ្លាក់ចុះអស់ ២,៧ លានបារ៉ែល នៅក្នុងសប្តាហ៍កាលពីថ្ងៃទី ៦ តុលាកន្លងទៅមកត្រឹមចំនួន ៤៦២,២២ លានបារ៉ែល។ ចំណែកការបូមប្រេងឆៅវិញ បានធ្លាក់ចុះអស់ ៨១ ០០០ បារ៉ែលក្នុងមួយថ្ងៃ មកត្រឹមចំនួនសរុប ៩,៤៨ លានបារ៉ែល ដែលជាការធ្លាក់ចុះលើកដំបូងដ៏ច្រើនបំផុតមិនធ្លាប់មានគិតត្រឹមថ្ងៃទី ១ កញ្ញាមក។

ក្រុមហ៊ុនស្រាវជ្រាវ Bernstein បានលើកឡើងថា ខ្លួនរំពឹង ទុកថា ការស្តុកទុកប្រេងឥន្ធនៈ ឬ ប្រេងសាំងនឹងបន្តធ្លាក់ចុះ ទៀតនៅចុងឆ្នាំនេះ។ ក៏ប៉ុន្តែមានក្រុមអ្នកវិភាគផ្សេងទៀតបាននិយាយថា អង្គការ OPEC នឹងត្រូវធ្វើការងារធ្ងន់ បន្តទៀត តាមកិច្ចព្រមព្រៀងកាត់បន្ថយការផលិតប្រេងរបស់ខ្លួនដែលបានដាក់ឱសានវាទផុតកំណត់នៅចុងខែមីនាឆ្នាំ ២០១៨ ខាងមុខ ដើម្បីជួយឲ្យតម្លៃប្រេងមានស្ថិរភាពទៅមុខ៕

ប្រភព៖ cnbc

ផ្សារភាគហ៊ុនអាស៊ីស្ងប់ឡើងថ្លៃថ្ងៃសុក្រនេះ ក្រោយឡើងថ្លៃជាប់ៗគ្នាប៉ុន្មានថ្ងៃកន្លងទៅ

Unknown 4:36 PM 0

ការជួញដូរនៅលើផ្សារភាគហ៊ុនអាស៊ីព្រឹកនេះ ហាក់មានភាពស្ងប់ស្ងាត់បន្តិចបន្ទាប់ពីបានឡើងថ្លៃជាប់ៗគ្នានៅក្នុងរយៈពេលប៉ុន្មានថ្ងៃកន្លងទៅនេះ ខណៈដែលអ្នកជួញដូរកំពុងរង់ចាំមើលទិន្នន័យពាណិជ្ជកម្មរបស់ចិន និង ទិន្នន័យអតិផរណារបស់អាមេរិកនៅយប់នេះ។

សន្ទស្សន៍ជួញដូរផ្សារភាគហ៊ុន Nikkei 225 របស់ជប៉ុនបានប្រែប្រួលបន្តិចបន្តួចប៉ុណ្ណោះដោយសន្ទស្សន៍ជួញដូរផ្សារភាគហ៊ុននេះបានធ្លាក់ថ្លៃត្រឹម ០,០៤% បន្ទាប់ពីបានហក់ឡើងដល់កំណត់ត្រាជួញដូរខ្ពស់បំផុតមិនធ្លាប់មាននៅក្នុងរយៈពេល ២១ឆ្នាំកន្លងទៅកាលពីពេលថ្មីៗកន្លងទៅនេះ។ នៅកូរ៉េខាងត្បូងសន្ទស្សន៍ជួញដូរនៅលើផ្សារភាគហ៊ុន Kospi គឺស្ថិតនៅទីតាំងជួញដូរលើបន្ទាត់ក្រហមបន្តិចបន្តួច ពោលគឺ ០,០២%។

ងាកទៅមើលផ្សារភាគហ៊ុនអូស្ត្រាលី សន្ទស្សន៍ជួញដូរផ្សារភាគហ៊ុន S&P ASX 200 បានឡើងថ្លៃ ០,១៧%។ ភាគហ៊ុនរបស់ក្រុមហ៊ុនសុខភាព និង លក់រាយបានឡើងថ្លៃខ្ពស់ជាងគេចាប់ពី ០៥៨% និង ០,៥៧% ខណៈដែលភាគហ៊ុនរបស់ក្រុមហ៊ុនធនាគារ និងក្រុមហ៊ុនរ៉ែ ហាក់មិនសូវកាក់កបខ្លាំងនោះឡើយ។

សារព័ត៌មាន Reuters បានឱ្យដឹងថា តម្លៃផលិតកម្មរបស់អាមេរិកបានកើនឡើងនៅក្នុងខែកញ្ញាកន្លងទៅក្នុងអត្រា ០,៤% ដោយសារតែតម្លៃប្រេងសាំងបានឡើងថ្លៃដល់កំណត់ត្រាខ្ពស់បំផុតមិនធ្លាប់មាននៅក្នុងរយៈពេលជាង២ឆ្នាំកន្លងទៅនេះ។ ការឡើងថ្លៃនៃតម្លៃប្រេងគឺដោយសារតែមានការរាំងស្ទះសកម្មភាពផលិតប្រេងដែលទាក់ទងទៅនឹងព្យុះសង្ឃរាចំនួនពីរបានបោកបក់មកលើរោងចក្រចម្រាញ់ប្រេងមួយចំនួននៅរដ្ឋតិចសាសកាលខែកញ្ញាកន្លងទៅ។

កំណត់ហេតុចេញផ្សាយនៅសប្តាហ៍នេះចេញពីកិច្ចប្រជុំកាលពីខែមុនរបស់ធនាគារកណ្តាលបានបង្ហាញថា ស្ថាប័ននេះនៅតែបន្តខ្វែងគំនិតគ្នាទៅបញ្ហាអតិផរណារបស់ជាតិ និងទៅលើអនាគតភាពនៃការដំឡើងអត្រាការប្រាក់នៅចុងឆ្នាំ ២០១៧ ខាងមុខ។ ស្ថានភាពនេះ មិនបានជួយគាំទ្រគួរឲ្យកត់សម្គាល់ដល់ការជួញដូរប្រាក់ដុល្លារនោះឡើយ ខណៈដែលការជួញដូរថ្ងៃសុក្រចុងក្រោយនេះ បានបង្ហាញសញ្ញាណអវិជ្ជមានដដែល។

ទន្ទឹមនឹងគ្នានេះដែរ ភាគហ៊ុនអាមេរិកក៏បានបិទការជួញដូរក្នុងទិសដៅអវិជ្ជមានផងដែរកាលពីយប់មិញ បន្ទាប់ពីមានរបាយការណ៍ដ៏ខកចិត្តមួយចំនួនស្តីពីលទ្ធផលប្រាក់ចំណូលរបស់ក្រុមហ៊ុនធំៗប្រចាំត្រីមាសនេះ។ ប្រាក់ចំណូលរបស់ក្រុមហ៊ុន JPMorgan និង Citigroup ដ៏ល្បីល្បាញរបស់អាមេរិក បានធ្លាក់ចុះខ្ពស់ជាងការរំពឹងទុក។ នេះបានញាំងឲ្យ សន្ទស្សន៍ជួញដូរនៅលើផ្សារភាគហ៊ុន Dow Jones បានធ្លាក់ចុះអស់ ០,១៤%៕

ប្រភព៖ cnbc

ថ្ងៃសុក្រចុងក្រោយនេះ មាសឡើងថ្លៃខ្ពស់ជាថ្មីទៀតជិតដល់ ១ ៣០០ ដុល្លារក្នុងមួយអោន

Unknown 4:34 PM 0

ការជួញដូរមាសនៅថ្ងៃសុក្រចុងសប្តាហ៍នេះ កំពុងមានសញ្ញាណល្អក្នុងទិសដៅបាញ់ឆ្ពោះទៅកាន់តម្លៃ ១ ៣០០ ដុល្លារក្នុងមួយអោនវិញ បន្ទាប់ពីបានធ្លាក់ថ្លៃច្រើនកាលពីសប្តាហ៍មុន។ ការឡើងថ្លៃ នេះនៅស្របពេលដែលអ្នកជួញដូរកំពុងរង់ចាំអ៊ុតមើលលទ្ធផលចេញផ្សាយនៃទិន្នន័យកំណើនអតិផរណាអាមេរិក សម្រាប់ជាពន្លឺដល់ការស្ទាបស្ទង់មើលជំហរដំឡើងអត្រាការប្រាក់របស់របស់ធនាគារកណ្តាលនៅចុងឆ្នាំខាងមុខ។

ទីផ្សារជួញដូរមាសនៅព្រឹកនេះបានឡើងថ្លៃ ០,៤% ស្ថិតនៅក្នុងតម្លៃជួញដូរក្នុងរង្វង់តម្លៃ ១ ២៩៦ ដុល្លារក្នុងមួយអោននៅម៉ោង ៩:៣០ នាទីព្រឹកនេះ ។ ចំណែកទីផ្សារមាសរបស់អាមេរិកវិញ ក៏បានឡើងថ្លៃប្រហាក់ប្រហែលគ្នា ពោលគឺ ០,៣% ស្ថិតនៅក្នុងតម្លៃជួញដូរជុំវិញ ១ ២៩៩ ដុល្លារក្នុងមួយអោន។

ការជួញដូរប្រាក់ដុល្លារនៅលើទីផ្សារអាស៊ី ព្រឹកថ្ងៃសុក្រនេះត្រូវបានគេមើលឃើញថា នៅតែស្ថិតនៅក្នុងស្ថានភាពអវិជ្ជមានដដែល ខណៈដែលអ្នកជួញដូរកំពង់រង់ចាំទិន្នន័យស្ដីពីអតិផរណារបស់អាមេរិកដើម្បីផ្គត់ផ្គង់មើលពីអនាគតនៃការដំឡើងអត្រាការប្រាក់របស់ធនាគារកណ្តាលប្រទេសនេះ។

តម្លៃផលិតកម្មរបស់អាមេរិកបានកើនឡើងនៅក្នុងខែកញ្ញាកន្លងទៅដោយសារតែតម្លៃប្រេងសាំងបានឡើងថ្លៃដល់កំណត់ត្រាខ្ពស់បំផុតមិនធ្លាប់មាននៅក្នុងរយៈពេលជាង២ឆ្នាំកន្លងទៅនេះ។ ការឡើងថ្លៃនៃតម្លៃប្រេងគឺដោយសារតែមានការរាំងស្ទះសកម្មភាពផលិតប្រេងដែលទាក់ទងទៅនឹងព្យុះសង្ឃរាចំនួនពីរបានបោកបក់មកលើរោងចក្រចម្រាញ់ប្រេងមួយចំនួននៅរដ្ឋតិចសាសកាលខែកញ្ញាកន្លងទៅ។

ងាកទៅមើលស្ថានភាពនៅក្នុងតំបន់អឺរ៉ុបវិញ អ្នកបង្កើតគោលនយោបាយធនាគារកណ្តាលរបស់ខ្លួន (ECB) បានព្រមព្រៀងដោយបើកចំហមួយក្នុងការពង្រីកការទិញចូលមកវិញ នូវមូលបត្របំណុលក្នុងអត្រាទាបមួយនៅកិច្ចប្រជុំនាខែតុលានេះ។ ទន្ទឹមនឹងនេះ ប្រធានធនាគារកណ្តាលអឺរ៉ុបក៏បានការពារការសន្យារបស់ខ្លួនផងដែរក្នុងការរក្សាអត្រាការប្រាក់ឲ្យស្ថិតនៅក្នុងកម្រិតទាបបំផុតមួយ។

ចំពោះស្ថានភាពនយោបាយអាមេរិកវិញ សមាជិកសភាមកពីគណបក្សសាធារណរដ្ឋកំពុងពិចារណាអំពីផ្លូវដែលត្រូវដើរមួយដើម្បីសម្រេចគោលដៅរបស់លោកប្រធានាធិបតី Donald Trump ក្នុងការកាត់បន្ថយអត្រាពន្ធលើសាជីវកម្មឱ្យធ្លាក់មកដល់ត្រឹម ២០%។ ការកំណត់ពន្ធក្នុងអត្រាមួយដ៏ទាបនេះហើយ ដែលជាចំណុចរសើបមួយក្នុងការពិភាក្សាដេញដោលគ្នាយ៉ាងតឹងសរសៃកនៅក្នុងសភាជាតិ ហើយបានជំរុញឲ្យច្បាប់នេះមិនទាន់ចេញជាផ្លែផ្កាបាន៕

ប្រភព៖ cnbc

ដុល្លារនៅតែធ្លាក់ថ្លៃនៅថ្ងៃចុងក្រោយសប្តាហ៍នេះ

Unknown 4:32 PM 0

សន្ទស្សន៍ជួញដូរប្រាក់ដុល្លារធៀបទៅនឹងគូររូបិយប័ណ្ណធំៗចំនួន៦ដែលត្រូវបានជួញដូរនៅលើទីផ្សារអន្តរជាតិ កំពុងមានស្ថានភាពជួញដូរនៅក្នុងទីតាំង ៩៣,០៨៣។ បើគេមើលសន្ទស្សន៍នេះ ហាក់មានស្ថានភាពល្អបន្តិចជាងម្សិលមិញ ក៏ប៉ុន្តែនៅសប្តាហ៍នេះវាបានធ្លាក់ថ្លៃសរុបដល់ទៅ ០,៨% រួចទៅហើយ។

កាលពីថ្ងៃព្រហស្បតិ៍ម្សិលមិញ ក្រសួងការងាររបស់អាមេរិកបាននិយាយថា សន្ទស្សន៍តម្លៃទំនិញរបស់អ្នកផលិតសម្រាប់តម្រូវការចុងក្រោយបានកើនឡើង ០,៤% នៅក្នុងខែកញ្ញាកន្លងទៅ។ ក្នុងរយៈពេល១២ខែចុងក្រោយគិតត្រឹមខែកញ្ញាកន្លងទៅ សន្ទស្សន៍តម្លៃទំនិញខាងលើបានកើនឡើង ២,៦% ដែលជាកំណើនដ៏ច្រើនបំផុតមិនធ្លាប់មានគិតចាប់តាំងពីឆ្នាំ ២០១២មក ។

ទោះបីជាស្ថានភាពជួញដូរប្រាក់ដុល្លារនៅក្នុងសប្តាហ៍ចុងក្រោយហាក់មិនសូវកាក់កបក្តី ក៏ប៉ុន្តែក្តីសង្ឃឹមម្តងហើយម្តងទៀតថា ធនាគារកណ្តាលអាចនឹងដំឡើងការប្រាក់នៅចុងឆ្នាំនេះ បានធ្វើឲ្យប្រាក់ដុល្លារអាចទប់ទល់ការធ្លាក់ថ្លៃរបស់វាឡើងវិញបាន។ គិតមកដល់សប្តាហ៍នេះ ការស្ទាបស្ទង់នៅលើទីផ្សារអន្តរជាតិបានបង្ហាញថា ឱកាសនៃការដំឡើងអត្រាការប្រាក់របស់ធនាគារកណ្តាលអាមេរិកនៅពាក់កណ្តាលខែធ្នូមានរហូតដល់ទៅ ៨៨% ។

ធៀបទៅនឹងលុយយ៉េនរបស់ជប៉ុន ប្រាក់ដុល្លារក៏មានស្ថានភាពមិនល្អដែរ ពោលគឺបានធ្លាក់ចុះមកដល់តម្លៃ ១១២,២៥ យ៉េនក្នុងមួយដុល្លារ។ នេះមានន័យថា នៅពេញមួយសប្តាហ៍នេះ ប្រាក់ដុល្លារបានធ្លាក់ថ្លៃអស់ ០,៣% ធៀបទៅនឹងលុយយ៉េន។

កាលពីថ្ងៃព្រហស្បតិ៍ម្សិលមិញ លោក Haruhiko Kuroda ទេសាភិបាលធនាគារកណ្តាលជប៉ុនក៏បានសង្កត់ធ្ងន់ផងដែរលើការប្ដេជ្ញាចិត្តរបស់ខ្លួនដើម្បីរក្សាគោលនយោបាយរូបិយវត្ថុឲ្យរឹងមាំ បើទោះបីជាសមភាគីធនាគារកណ្តាលអាមេរិក និងអ៊ឺរ៉ុបចាប់ផ្តើមធ្វើឱ្យគោលនយោបាយរូបិយវត្ថុរបស់ខ្លួននៅក្នុងស្ថានភាពធម្មតាក៏ដោយ។ ប្រមុខស្ថាប័ននេះរូបនេះបានបន្ថែមទៀតថា ទោះបីជាសេដ្ឋកិច្ចរបស់ជប៉ុនមានកំណើនជាមធ្យមក៏ដោយ ក៏ការខកចិត្តទៅនឹងកំណើនអតិផរណាដ៏យឺតយ៉ាវ និងបញ្ហាប្រាក់ឈ្នួលនៅតែចោទមានឡើងដដែល។

ងាកមកមើលការជួញដូរប្រាក់ដុល្លារធៀបទៅនឹងប្រាក់អឺរ៉ូវិញ គឺនៅតែធ្លាក់ថ្លៃដដែល ដោយក្នុងនោះវាត្រូវបានជួញដូរក្នុងតម្លៃ ១,១៨៣៣ ដុល្លារក្នុងមួយអឺរ៉ូ។ សរុបនៅក្នុងសប្តាហ៍នេះ ប្រាក់អឺរ៉ូឆ្លៀតឱកាសបានឡើងថ្លៃជិត១% ពោលគឺ ០,៩%៕

ប្រភព៖ cnbc

Support, Resistance and Pivot Point (11-10-2017)

Unknown 10:12 AM 0

ថ្ងៃនេះ ទីផ្សារមាសប្រែប្រួលបន្តិចបន្តួចក្រោយឡើងថ្លៃខ្ពស់កាលពីយប់មិញ

Unknown 10:09 AM 0

ទីផ្សារជួញដូរមាសនៅព្រឹកថ្ងៃពុធនេះមានការប្រែប្រួលបន្តិចបន្តួចតែប៉ុណ្ណោះ បន្ទាប់ពីបានហក់ឡើងថ្លៃ ខ្ពស់បំផុតមិនធ្លាប់មាននៅក្នុងរយៈពេល២សប្តាហ៍កន្លងទៅកាលពីម្សិលមិញ នៅពេលដែលទីផ្សារប្រាក់ដុល្លារធ្លាក់ថ្លៃ វិញ ជុំវិញវិបត្តិមួយចំនួននៅអាមេរិក។

ទីផ្សារជួញដូរមាសតាមស្បតបានឡើងថ្លៃបន្តិចបន្តួចត្រឹម ០,២% ប៉ុណ្ណោះ ត្រូវបាន ជួញដូរក្នុងតម្លៃ ១ ២៩០,៥៦ ដុល្លារនៅម៉ោង ៩ព្រឹកកន្លងទៅបន្ទាប់ពីបានឡើងថ្លៃដល់តម្លៃខ្ពស់បំផុតមិនធ្លាប់គិតចាប់តាំងពីថ្ងៃ ទី ២៧ កញ្ញាមកកាលពីយប់មិញ។ ចំណែក ទីផ្សារមាសរបស់អាមេរិកវិញ ក៏មិនមានការប្រែប្រួលគួរឲ្យកត់សម្គាល់នោះដែរ ដោយត្រូវបានជួញដូរក្នុងតម្លៃ ១ ២៩៣ ដុល្លារក្នុងមួយអោន។

ការឡើងថ្លៃនៃទីផ្សារមាសនេះ គឺកើតមានឡើងស្របពេលដែលទីផ្សារជួញដូរប្រាក់ដុល្លារនៅព្រឹកនេះត្រូវបានគេមើលឃើញថា បានធ្លាក់ថ្លៃជាថ្មីទៀតពីតម្លៃជួញដូរឡើងថ្លៃមិនធ្លាប់មាននៅក្នុងរយៈពេល១០សប្តាហ៍កន្លងទៅ។ នេះបណ្តាលមកពីមានភាពមន្ទិលសង្ស័យទៅនឹងការបរាជ័យនៃគោលនយោបាយពន្ធដាររបស់លោក Trump និងការឡើងថ្លៃនៃប្រាក់អឺរ៉ូបានដាក់សម្ពាធបន្ថែមទៀតដល់ប្រាក់ដុល្លារ។

ងាកមកមើលស្ថានភាពនយោបាយអន្តរជាតិវិញ សារព័ត៌មាន Yonhap របស់កូរ៉េខាងត្បូងបានរាយការណ៍ថា ក្រុម Hacker របស់ប្រទេសកូរ៉េខាងជើងទើបបានលួចយកឯកសារសម្ងាត់ រួមទាំងយុទ្ធសាស្ត្រកងទ័ពអាមេរិក និងកូរ៉េខាងត្បូងបានមួយចំនួនធំ។ ឯកសារដែលកូរ៉េខាងជើងយកបានមានដូចជា គម្រោងការនៃការបញ្ឆេះភ្លើងសង្គ្រាមសាជាថ្មីនៅឧបទ្វីបកូរ៉េ ដែលអាមេរិកនៅពីក្រោយ រួមជាមួយនឹងយុទ្ធសាស្ត្រសំខាន់បំផុតក្នុងការធ្វើឃាតមេដឹកនាំកូរ៉េខាងជើង លោក គីម ជុងអ៊ុន។

នៅតំបន់អឺរ៉ុបកាលពីថ្ងៃអង្គារម្សិលមិញ មេដឹកនាំតំបន់ Catalonia របស់អេស្ប៉ាញដែលបានបោះឆ្នោតទាមទារផ្តាច់ខ្លួននៅពេលកន្លងទៅថ្មីៗនេះបានប្រកាសជាផ្លូវការពីឯករាជ្យភាពរបស់ខ្លួនចេញពីប្រទេសអេស្ប៉ាញ។ យ៉ាងណាក៏ដោយ លោកបានអំពាវនាវឱ្យមានកិច្ចពិភាក្សាជាមួយរដ្ឋាភិបាលទីក្រុងម៉ាឌ្រីដអំពីអនាគតជោគវាសនារបស់តំបន់នេះនៅក្នុងកាយវិការមួយដែលត្រូវបានគេមើលឃើញថា ជាការកាត់បន្ថយភាពតានតឹងនៅក្នុងតំបន់។

នៅអាល្លឺម៉ង់ឯណោះ ប្រភពមួយបានប្រាប់ទៅកាន់សារព័ត៌មាន Reuters កាលពីថ្ងៃអង្គារម្សិលមិញថា រដ្ឋាភិបាលអាល្លឺម៉ង់នឹងបង្កើនការព្យាករណ៍ពីកំណើនសេដ្ឋកិច្ចនៅក្នុងតំបន់អឺរ៉ុបក្នុងអត្រា២% សម្រាប់ឆ្នាំ ២០១៧នេះ។ ការព្យាករណ៍នេះ ខ្ពស់ជាងការព្យាករណ៍មុនៗដែលថា វាអាចមានកំណើនត្រឹមតែ ១,៥% ប៉ុណ្ណោះ ហើយត្រូវបានគេចាត់ទុកថា ជាកំណើនដ៏ខ្ពស់បំផុតមិនធ្លាប់មានគិតចាប់តាំងពីឆ្នាំ ២០១១ មក៕

ប្រភព៖ cnbc

ដុល្លារធ្លាក់ថ្លៃជាថ្មីទៀតនៅថ្ងៃនេះ ខណៈដែលប្រាក់អឺរ៉ូហក់ឡើងថ្លៃវិញ

Unknown 10:07 AM 0

ទីផ្សារជួញដូរប្រាក់ដុល្លារនៅព្រឹកនេះត្រូវបានគេមើលឃើញថា បានធ្លាក់ថ្លៃជាថ្មីទៀតពីតម្លៃជួញដូរឡើងថ្លៃមិនធ្លាប់មាននៅក្នុងរយៈពេល១០សប្តាហ៍កន្លងទៅជុំវិញភាពមន្ទិលសង្ស័យទៅនឹងការបរាជ័យនៃគោលនយោបាយពន្ធដាររបស់លោក Trump និងការឡើងថ្លៃនៃប្រាក់អឺរ៉ូបានដាក់សម្ពាធបន្ថែមទៀតដល់ប្រាក់ដុល្លារ។

នៅថ្ងៃនេះប្រាក់អឺរ៉ូបានឡើងថ្លៃ ០,១៥% ស្ថិតនៅតម្លៃជួញដូរ ១,១៨២៤ ដុល្លារបន្ទាប់ពីបានឡើងថ្លៃម្តងរួចមកហើយកាលពីយប់មិញក្នុងតម្លៃជួញដូរ ១,១៨២៨ ដុល្លារ។ តម្លៃនេះហើយដែលគេយល់ឃើញថា ជាតម្លៃឡើងថ្លៃ ខ្ពស់បំផុតមិនធ្លាប់មានគិតចាប់តាំងពីថ្ងៃទី ១៩ កញ្ញាមក បន្ទាប់ពីវាបានធ្លាក់ថ្លៃដល់តម្លៃ ១,១៦៦៩ ដុល្លារកាលពីថ្ងៃសុក្រកន្លងទៅនៅពេលមានរបាយការណ៍ល្អលើកំណើនប្រាក់ឈ្នួលលើថ្លៃពលកម្មរបស់ពលរដ្ឋអាមេរិក។

គេសង្កេតឃើញថា ប្រាក់អឺរ៉ូបានស្ទុះងើបឡើងវិញចាប់តាំងពីមានការគាំទ្រដោយភាពសុទិដ្ឋិនិយមលើកំណើនសេដ្ឋកិច្ចតំបន់ចាយប្រាក់អឺរ៉ូ និងភាពធូរស្រាលឡើងវិញនៃវិបត្តិនយោបាយក្នុងតំបន់ Catalonia ដែលបានទាមទារផ្តាច់ខ្លួនចេញពីអេស្ប៉ាញ។ ទន្ទឹមនឹងនេះ ទិន្នន័យសេដ្ឋកិច្ចរបស់អាល្លឺម៉ង់កាលពីថ្ងៃអង្គារម្សិលមិញបានបង្ហាញថា ការនាំចេញរបស់ខ្លួនបានកើនឡើងកាលពីខែសីហាកន្លងទៅ ដែលជាផ្នែកមួយធ្វើឲ្យទីផ្សារប្រាក់អឺរ៉ូមានសង្ឃឹមឡើងវិញ។

ចំពោះការជួញដូរប្រាក់ដុល្លារធៀបទៅនឹងប្រាក់អឺរ៉ូវិញ វាកំពុងបង្ហាញសញ្ញាណអវិជ្ជមានជុំវិញភាពមិនប្រាកដប្រជានៃគោលនយោបាយពន្ធដាររបស់លោក Trump ដែលហាក់មិនបានបង្ហាញលទ្ធផលផ្លែផ្កាអ្វីសោះ។ ភាពខ្វែងគំនិតគ្នាជាសាធារណៈរបស់លោក Trump ជាមួយសមាជិកព្រឹទ្ធសភាលោក Bob Corker មកពីរដ្ឋTennessee បានលើកឡើងពីការព្រួយបារម្ភថា ការជួយពន្លឿនលើកម្មវិធីពន្ធដារថ្មីរបស់លោកអាចនឹងត្រូវទទួលរងផលប៉ះពាល់។

សារនេះហើយដែលជាលទ្ធផលធ្វើឲ្យប្រាក់ដុល្លារជួញដូរធ្លាក់ថ្លៃ ធៀបទៅនឹងលុយយ៉េនរបស់ជប៉ុន ពោលគឺ ០,១៥% សម្រាប់ថ្ងៃ នេះ ត្រូវបានជួញដូរក្នុងទីតាំងតម្លៃ ១១២,៣០០ យ៉េនក្នុងមួយដុល្លារ បន្ទាប់ពីបានធ្លាក់ថ្លៃដល់តម្លៃ ១១១,៩៩០ យ៉េនក្នុងមួយដុល្លារកាលពីយប់មិញ។ កាលពីថ្ងៃសុក្រកន្លងទៅ ទីផ្សារប្រាក់ដុល្លារបានហក់ឡើងដល់តម្លៃ ១១៣,៤០ យ៉េន ប៉ុន្តែបានធ្លាក់ថ្លៃវិញ នៅពេលភាពតានតឹងភូមិសាស្ត្រនយោបាយនៅឧបទ្វីបកូរ៉េកើនកម្តៅឡើងវិញ។

ងាកទៅមើលទីផ្សារប្រាក់ដុល្លារអូស្ត្រាលីវិញ បានឡើងថ្លៃ ០,៣% ស្ថិតនៅក្នុងតម្លៃជួញដូរ ០,៧៨០២ ដុល្លារ។ ចំណែកទីផ្សារប្រាក់ដុល្លារនូវែលហ្សេឡង់បានឡើងថ្លៃខ្ពស់ជាងបន្តិច ពោលគឺ ០,៤% ត្រូវបានជួញដូរក្នុងតម្លៃ ០,៧០៧៩ ដុល្លារ ដោយបានងើបឡើងវិញពីតម្លៃជួញដូរទាបបំផុត ០,៧០៥២ ដុល្លារ កាលពីថ្ងៃច័ន្ទកន្លងទៅ នៅពេលស្ថានភាពនយោបាយរបស់ខ្លួនកំពុងស្ថិតនៅភាពប្រទាញប្រទង់នៅឡើយក្រោយការបោះឆ្នោតបានបញ្ចប់ទៅថ្មីៗនេះ៕

ប្រភព៖ cnbc

Technical Analysis Tue, Oct 10, 2017

Unknown 4:37 PM 0

Dear Customers,
Daily Technical Analysis Tue, Oct 10, 2017
* Please note that due to market volatility, some of the below sight prices may have already been reached and scenarios played out.

#EUR/USD Intraday: the bias remains bullish.
Pivot: 1.1735
Most Likely Scenario: long positions above 1.1735 with targets at 1.1780 & 1.1800 in extension.
Alternative scenario: below 1.1735 look for further downside with 1.1720 & 1.1700 as targets.
Comment: the RSI shows upside momentum.
#GBP/USD Intraday: technically the RSI is above its neutrality area at 50.
Pivot: 1.3125
Most Likely Scenario: long positions above 1.3125 with targets at 1.3185 & 1.3225 in extension.
Alternative scenario: below 1.3125 look for further downside with 1.3105 & 1.3070 as targets.
Comment: technically the RSI is above its neutrality area at 50.
#USD/JPY Intraday: a support base at 112.50 has formed and has allowed for a temporary stabilisation.
Pivot: 112.50
Most Likely Scenario: long positions above 112.50 with targets at 112.90 & 113.10 in extension.
Alternative scenario: below 112.50 look for further downside with 112.30 & 112.10 as targets.
Comment: a support base at 112.50 has formed and has allowed for a temporary stabilisation.
#AUD/USD Intraday: the RSI shows upside momentum.
Pivot: 0.7745
Most Likely Scenario: long positions above 0.7745 with targets at 0.7800 & 0.7820 in extension.
Alternative scenario: below 0.7745 look for further downside with 0.7730 & 0.7710 as targets.
Comment: the RSI shows upside momentum.
#Gold spot Intraday: the RSI shows upside momentum.
Pivot: 1282.00
Most Likely Scenario: long positions above 1282.00 with targets at 1290.00 & 1295.00 in extension.
Alternative scenario: below 1282.00 look for further downside with 1279.00 & 1275.00 as targets.
Comment: the RSI shows upside momentum.

ព័ត៌មានសេដ្ឋកិច្ចសំខាន់ៗចំនួន៦ កើតមាននៅជុំវិញពិភពលោកក្នុងសប្តាហ៍នេះ ដែលអ្នកជួញដូរត្រូវដឹង

Unknown 3:16 PM 0

នៅថ្ងៃនេះ Channyfx សូមផ្តល់ព័ត៌មានសំខាន់ៗចំនួន៦កើតមាននៅជុំវិញពិភពលោកនៅក្នុងសប្តាហ៍នេះ។ ចំពោះប្រិយមិត្តដែលប្រឡូកក្នុងទីផ្សារជួញដូររូបិយប័ណ្ណ និងទីផ្សារភាគហ៊ុននានា សូមកុំភ្លេចតាមដានព្រឹត្តិការណ៍សេដ្ឋកិច្ចទាំងនេះ ព្រោះថា វាមានឥទ្ធិពលដល់ទីផ្សារជួញដូរសាកលលោក។

) ទិន្នន័យពាណិជ្ជកម្មអាល្លឺម៉ង់ (German Trade Balance)
ថ្ងៃប្រកាស៖ ថ្ងៃពុធ ទី១១ តុលា ម៉ោង ១ យប់នេះ
ផលប៉ះពាល់ដល់ការជួញដូរ EUR/USD, EUR/GBP

ជាមួយនឹងវិស័យផលិតកម្មដែលកំពុងកើនឡើង កំណើននាំចេញរបស់អាល្លឺម៉ង់មានសន្ទុះកើនឡើងខ្ពស់ជាងចិន និងជប៉ុនទៅទៀត ។ កាលពីខែមុនតួលេខនេះបានកើនឡើងដល់ទៅ ១៩,៥ ពាន់លានអ៊ឺរ៉ូ និងការនាំចេញត្រូវបានគេរំពឹងថា នឹងអាចកើនឡើង ៥% នៅក្នុងឆ្នាំនេះធៀបនឹងការវាយតម្លៃដំបូងដែលថា វាអាចមានត្រឹមតែ ១,២% ប៉ុណ្ណោះ។

ទោះជាយ៉ាងណាក៏ដោយ ខណៈដែលអាជីវកម្ម និងពលរដ្ឋរបស់ខ្លួនកំពុងទទួលបានអត្ថប្រយោជន៍ពីកំណើននេះ បណ្តាប្រទេសនៅអឺរ៉ុបមួយចំនួនទៀតនៅតែព្យាយាមដោះស្រាយបញ្ហាវិបត្តិសេដ្ឋកិច្ចរបស់ខ្លួន ដែលអាចធ្វើឱ្យអាល្លឺម៉ង់នៅបន្តរួមទុក្ខជាមួយនឹងបញ្ហាក្នុងតំបន់នេះ។

២) ទិន្នន័យផលិតកម្មរបស់អង់គ្លេសប្រចាំខែសីហា (UK Manufacturing Production)
ថ្ងៃប្រកាស៖ ថ្ងៃពុធ ទី១១ តុលា ម៉ោង ៣:៣០ នាទីទៀបភ្លឺយប់នេះ
ផលប៉ះពាល់ដល់ការជួញដូរ GBP/USD, EUR/GBP

សូចនាករសំខាន់លើវិស័យពាណិជ្ជកម្ម និងឧស្សាហកម្មសំខាន់ៗមួយចំនួនសម្រាប់ចក្រភពអង់គ្លេសនឹងត្រូវចេញផ្សាយជាមួយគ្នានៅម៉ោង ៣កន្លះទៀបភ្លឺយប់នេះ។ គេសង្កេតឃើញថា ទាំងវិស័យផលិតកម្ម និងឧស្សាហកម្មសុទ្ធតែមានកំណើនក្នុងឆ្នាំនេះ ។

យ៉ាងណាមិញជញ្ជីងពាណិជ្ជកម្ម (Trade Balance) នៅតែមានបញ្ហានៅឡើយដោយក្នុងនោះ ការធ្វើពាណិជ្ជកម្មជាមួយបណ្តាប្រទេសមិនមែនសមាជិកអឺរ៉ុបបានធ្លាក់ចុះអស់ចំនួន ៣,៨៤ ពាន់លានផោន។ នេះបញ្ជាក់ថា សេដ្ឋកិច្ចរបស់មហាអំណាចមួយនេះ មានភាពប្រេះស្រាំក្រោយបោះឆ្នោតផ្តាច់ខ្លួនចេញពីសហភាពអឺរ៉ុប ហើយជាលទ្ធផលធ្វើឲ្យរូបិយប័ណ្ណជាតិរបស់ខ្លួនស្ថិតនៅក្នុងភាពត្រដាបត្រដួសដូចសព្វថ្ងៃ។

៣) របាយការណ៍កំណើនអតិផរណារបស់អង់គ្លេស (UK Inflation Report)
ថ្ងៃប្រកាស៖ ថ្ងៃព្រហស្បតិ៍ ទី១២ តុលា
ផលប៉ះពាល់ដល់ការជួញដូរ GBP/USD, EUR/GB

អង់គ្លេសមានអត្រាអតិផរណាខ្ពស់បំផុតក្នុងចំណោមបណ្តាប្រទេសសេដ្ឋកិច្ចធំៗ ទាំង ៧ របស់មហាអំណាចសេដ្ឋកិច្ច G7។ អតិផរណាបានកើនឡើងដល់ ២,៩% កាលពីខែសីហាកន្លងទៅធៀបនឹងអត្រាកំណើន ២,៦% កាលពីខែកក្កដា ដែលនេះបានធ្វើឱ្យសន្ទស្សន៍តម្លៃទំនិញប្រើប្រាស់កើនឡើងខ្ពស់មិនធ្លាប់មាននៅក្នុងរយៈពេល ៤ ឆ្នាំមកនេះ។ ការពឹងផ្អែករបស់ខ្លួនលើការនាំចូល គឺស្ថិតនៅពីក្រោយនៃកំណើនអតិផរណានេះ ខណៈដែលអ្នកប្រើប្រាស់កាត់បន្ថយការចំណាយនៅពេលលុយផោនធ្លាក់ថ្លៃក្រោយបោះឆ្នោតផ្តាច់ខ្លួនចេញពីសហភាពអឺរ៉ុប។

ចាប់តាំងពីការបោះឆ្នោតប្រជាមតិកាលពីពាក់កណ្តាលឆ្នាំ ២០១៦មក លុយផោននៅតែធ្លាក់ថ្លៃទាបជាងតម្លៃមុនការបោះឆ្នោតដល់ទៅ ១០% ឯណោះ។ ដោយសារតែធនាគារកណ្តាលនានាភាគច្រើនមានបំណងចង់ឲ្យអត្រាអតិផរណា ស្ថិតនៅក្នុងអត្រា ២% សម្រាប់ស្ថិរភាពនៃកំណើនសេដ្ឋកិច្ច ធនាគារកណ្តាលអង់គ្លេសទំនងអាចនឹងដំឡើងអត្រាការប្រាក់ក្នុងកិច្ចខិតខំប្រឹងប្រែងដើម្បីលើកស្ទួយលុយផោនឡើងវិញ។

៤) កំណត់ហេតុលើកិច្ចប្រជុំរបស់ធនាគារកណ្តាលអាមេរិក (FOMC Meeting Minutes)
ថ្ងៃប្រកាស៖ ថ្ងៃព្រហស្បតិ៍ ទី១២ តុលា ម៉ោង ១:០០ នាទីទៀបភ្លឺ
ផលប៉ះពាល់ដល់ការជួញដូរ EUR/USD, USD/JPY

គ្មានអ្នកណាម្នាក់រំពឹងថា នឹងមានព័ត៌មានដ៏ភ្ញាក់ផ្អើលមួយចេញពីសេចក្តីថ្លែងការណ៍នៃកិច្ចប្រជុំរបស់ធនាគារកណ្តាលអាមេរិក (FOMC) នោះទេ។ ប៉ុន្តែអ្វីដែលអ្នកជួញដូរនឹងចាប់អារម្មណ៍នោះ គឺការផ្តល់ភ្លើងខៀវរបស់ស្ថាប័ននេះសម្រាប់ការដំឡើងអត្រាការប្រាក់ដែលគេរំពឹងទុកថា នឹងធ្វើឡើងនៅពាក់កណ្តាលខែធ្នូឆ្នាំនេះ។

៥) ទិន្នន័យទំនុកចិត្តរបស់អ្នកប្រើប្រាស់របស់អូស្ត្រាលី (Consumer Confidence)
ថ្ងៃប្រកាស៖ ថ្ងៃព្រហស្បតិ៍ ទី១២ តុលា ម៉ោង ៣:៣០ នាទីទៀបភ្លឺ
ផលប៉ះពាល់ដល់ការជួញដូរ AUD/USD, AUD/NZD

ជាមួយនឹងការធ្លាក់ចុះទីផ្សារលក់រាយការងើបឡើងវិញនៃសេដ្ឋកិច្ចរបស់អូស្ត្រាលីនៅតែហាក់ដូចជានៅឆ្ងាយជាងអ្វីដែលបានសង្ឃឹមទុក។ ស្ថានភាពលក់រាយនៅខែ សីហាកន្លងទៅបានធ្លាក់ចុះអស់ ០,៦% ខណៈដែលការរំពឹងទុកថា វាអាចកើនឡើង ០៣%។ ចំណែកទំនុកចិត្តអ្នកប្រើប្រាស់វិញ កាលពីខែកញ្ញាបានធ្លាក់ចុះអស់ ២,៥% ធ្វើឲ្យវាជាខែទី១០ ដែលធ្លាក់ចុះជាប់ៗគ្នា ទោះបីជាវិស័យការងារមានលក្ខណៈល្អប្រសើរជាងមុនក៏ដោយ។

៦) ទិន្នន័យវិស័យផលិតកម្មនៅក្នុងតំបន់ចាយប្រាក់អឺរ៉ូ (ECB Industrial Production)
ថ្ងៃប្រកាស៖ ថ្ងៃព្រហស្បតិ៍ ទី១៣ តុលា ម៉ោង ៥:០០ នាទីព្រឹក
ផលប៉ះពាល់ដល់ការជួញដូរ EUR/USD, EUR/GBP

អគ្គនាយកនៃគណៈកម្មការអឺរ៉ុប(Eurostat) នឹងចេញផ្សាយទិន្នន័យវិស័យផលិតកម្មនៅក្នុងតំបន់ចាយប្រាក់អឺរ៉ូទាំងមូលសម្រាប់ខែសីហាកន្លងទៅ។ ទិន្នន័យកន្លងមក បានបង្ហាញថា វិស័យផលិតកម្មក្នុងតំបន់នេះ មានសញ្ញាណល្អ ដែលជាសញ្ញាណមួយជំរុញឲ្យមានកំណើនអតិផរណា និងផ្តល់ក្តីសង្ឃឹមឲ្យធនាគារកណ្តាលអឺរ៉ុបដំឡើងអត្រាការប្រាក់នៅពេលខាងមុខ៕

ប្រភព៖ cnbc

ទីផ្សារប្រេងឆៅមានស្ថិរភាពថ្ងៃនេះ ខណៈអង្គការ OPEC បន្តផ្តល់ភ្លើងខៀវបន្ថែមទប់ស្កាត់មិនឲ្យប្រេងធ្លាក់ថ្លៃ

Unknown 3:13 PM 0

ស្ថានភាពទីផ្សារជួញដូរប្រេងឆៅនៅព្រឹកនេះ ហាក់មិនមានការប្រែប្រួលនោះឡើយ ខណៈដែលអង្គការ OPEC បាននិយាយថា សញ្ញាណដ៏ច្បាស់មួយនឹងលេចរូបរាងឡើងដើម្បីធ្វើឲ្យទីផ្សារប្រេងឆៅមានតុល្យភាព ទន្ទឹមនឹងផលិតកម្មប្រេងឆៅរបស់អាមេរិកនៅតែមិនទាន់ដំណើរការជាប្រក្រតីនៅឡើយទេ ក្រោយទទួលរងខ្យល់ព្យុះចំនួន២កាលពីខែកញ្ញាកន្លងទៅ។

នៅព្រឹកនេះ ទីផ្សារប្រេងឆៅរបស់អាមេរិកត្រូវបានជួញដូរក្នុងតម្លៃ ៤៩,៦៦ ដុល្លារក្នុងមួយបារ៉ែល ពោលគឺបានឡើងថ្លៃ ៨ សេន ឬស្មើនឹង ០,១៦% ពីតម្លៃជួញដូរចុងក្រោយ។ ចំណែកទីផ្សារប្រេងឆៅ នៅលើទីផ្សារអន្តរជាតិវិញ ត្រូវបានជួញដូរក្នុងតម្លៃ ៥៥,៨៤ ដុល្លារក្នុងមួយបារ៉ែល។

ទាក់ទងទៅនឹងប្រេងឆៅនៅតែត្រូវបានជួញដូរក្នុងតម្លៃខ្ពស់នេះ អ្នកជួញដូរនានាបាននិយាយថា តម្លៃប្រេងឆៅហក់ឡើងនៅពេលកន្លងមកនេះ ដោយសារតែវាទទួលបានការគាំទ្រពីសេចក្ដីថ្លែងការណ៍របស់អង្គការ OPEC ដែលបានលើកឡើងថា នឹងធ្វើឱ្យតម្លៃប្រេងឆៅមានតុល្យភាពឡើងវិញបន្ទាប់ពីជួបឧបសគ្គអស់រយៈពេល២ឆ្នាំកន្លងទៅដែលបណ្តាលមកពីការផ្គត់ផ្គង់លើសតម្រូវការ។

ជាការឆ្លើយតបទៅនឹងអ្វីដែលខ្លួនសន្យា ស្ថាប័ននេះកំពុងអនុវត្តកិច្ចព្រមព្រៀងកាត់បន្ថយការផលិតប្រេងជាបន្តបន្ទាប់ទាំងនៅក្នុងចំណោមសមាជិក និងមិនមែនជាសមាជិករបស់អង្គការនេះដូចជា រុស្ស៊ីជាដើមចាប់តាំងពីដើមឆ្នាំ ២០១៧មក ដើម្បីទប់ស្កាត់ការផលិតប្រេងឆៅដ៏ច្រើនលើសលប់។ នេះជាការខិតខំប្រឹងប្រែងមួយដ៏សំខាន់ដើម្បីជួយរក្សាតុល្យភាពតម្លៃប្រេងឲ្យស្ថិតនៅក្នុងតម្លៃមួយមិនក្រោម ៤០ ដុល្លារក្នុងមួយបារ៉ែលដូចជានៅពេលបច្ចុប្បន្ននេះ។

អ្នកវិភាគជាច្រើនបានលើកឡើងថា ការកាត់បន្ថយការផលិតប្រេងឆៅរបស់អង្គការ OPEC បូករួមទាំងតម្រូវការមានការកើនឡើងនៅលើទីផ្សារអន្តរជាតិ ទំនងជួយគាំទ្រឲ្យវាបន្តឡើងថ្លៃទៀតក្នុងសញ្ញាណមួយដ៏ល្អនៅចុងឆ្នាំនេះ។ ក្រៅពីនេះ ការប្រឈមមុខដាក់គ្នាផ្នែកនយោបាយរវាងអាមេរិក និងអ៊ីរ៉ង់ក៏ជាផ្នែកមួយដ៏សំខាន់ផ្តល់ឱកាសឲ្យទីផ្សារប្រេងឆៅបន្តវត្តមានឡើងថ្លៃតទៅទៀត។

យ៉ាងណាមិញ ការហក់ឡើងនូវទីផ្សារប្រេងឆៅនៅក្នុងរយៈពេលប៉ុន្មានសប្តាហ៍ចុងក្រោយនេះក៏ដោយសារតែមានការរួមចំណែកពីទីផ្សារផលិតប្រេងរបស់អាមេរិកដែរ។ គេសង្កេតឃើញថា ក្រុមហ៊ុនបូមប្រេងនានាចំនួន ៨៥% ឬ ដែលមានសមត្ថភាពផលិតប្រេងបាន ១,៤៩ លានបារ៉ែលក្នុងមួយថ្ងៃនៅ ក្នុងឈូងសមុទ្រម៉ិកស៊ិកបានផ្អាកអាជីវកម្មរបស់ខ្លួន ដោយសារតែទទួលរងផលប៉ះពាល់ពីព្យុះ Harvey និងព្យុះ Irma នៅពេលកន្លងមក។

នេះមានន័យថា ជោគវាសនាទីផ្សារប្រេងឆៅយ៉ាងណានោះ គឺវាអាស្រ័យលើស្ថានភាពផលិតប្រេងរបស់អាមេរិក និងការខិតខំ ប្រឹងប្រែងរបស់អង្គការ OPEC រួមបញ្ចូលគ្នា៕

ប្រភព៖ cnbc

ផ្សារភាគហ៊ុនអាស៊ីភាគច្រើនឡើងថ្លៃនៅ ព្រឹកនេះ

Unknown 11:21 AM 0

ទីផ្សារភាគហ៊ុនអាស៊ីភាគច្រើនបានឡើងថ្លៃនៅព្រឹកថ្ងៃអង្គារនេះ ខណៈដែលទីផ្សារភាគហ៊ុនអាមេរិកបានបិទបញ្ចប់ការជួញដូរក្នុងសញ្ញាណអវិជ្ជមានកាលពីយប់មិញ។

សន្ទស្សន៍ជួញដូរនៅលើផ្សារភាគហ៊ុន Nikkei 225 របស់ជប៉ុនបានឡើងថ្លៃ ០,៣៤% បន្ទាប់ពីទីផ្សារមួយនេះបានបើកជួញដូរឡើងវិញក្រោយឈប់សម្រាកអស់រយៈពេលដ៏យូរកាលពីសប្តាហ៍មុន។ យ៉ាងណាមិញ ភាគហ៊ុនរបស់ក្រុមហ៊ុនអចលនទ្រព្យ និងក្រុមហ៊ុនហិរញ្ញវត្ថុនានាបានធ្លាក់ចុះខណៈដែលភាគហ៊ុនរបស់ក្រុមហ៊ុនរថយន្ត និងបច្ចេកវិទ្យាឡើងចុះលាយឡំគ្នា។

នៅកូរ៉េខាងត្បូង សន្ទស្សន៍ជួញដូរនៅលើផ្សារភាគហ៊ុន Kospi របស់ខ្លួនត្រូវបានគេមើលឃើញថា បានឡើងថ្លៃដែរនៅថ្ងៃនេះក្នុងអត្រាចំនួន ១,០០% ខណៈដែលភាគហ៊ុនរបស់ក្រុមហ៊ុនបច្ចេកវិទ្យា Blue-Chip បានឡើងថ្លៃជជាមួយនឹងភាពសុទិដ្ឋិនិយមលើប្រាក់ចំណេញរបស់ខ្លួន។ ចំណែកភាគហ៊ុនរបស់ក្រុមហ៊ុន Samsung Electronics បានឡើងថ្លៃដល់ទៅ ៤,៤៩% ឯណោះ។

ធ្វើដំណើរទៅអូស្ត្រាលី សន្ទស្សន៍ជួញដូរផ្សារភាគហ៊ុន S&P/ASX 200 បានឡើងថ្លៃបន្តិចបន្តួចប៉ុណ្ណោះលើបន្ទាត់ក្រហមពោលគឺ ០,០៣%។ យ៉ាងណាមិញ ភាគហ៊ុនរបស់ក្រុមហ៊ុនថាមពលបានធ្លាក់ថ្លៃអស់ ០,៦៩% ខណៈដែលភាគហ៊ុនរបស់ក្រុមហ៊ុនមកពីវិស័យផ្សេងៗទៀតបានបោះជំហានជួញដូរក្នុងទិសដៅវិជ្ជមាន។

ងាកមកមើលទីផ្សារភាគហ៊ុនរបស់ចិនឯណេះវិញ ក៏បានឡើងចុះមិនស្របគ្នានោះដែរ។ ក្នុងនោះ ទីផ្សារភាគហ៊ុនរបស់ហុងកុង Hang Seng បានធ្លាក់ថ្លៃអស់ ០,០៧% ស្របពេលដែលសន្ទស្សន៍ ជួញដូរនៅលើផ្សារភាគហ៊ុនចិនដីគោក ត្រូវបានជួញដូរឡើងចុះដែរ ពោលគឺផ្សារភាគហ៊ុនសៀងហៃ បានធ្លាក់ថ្លៃអស់ ០,២៤% ផ្ទុយពីផ្សារភាគហ៊ុន Shenzhen ដែលបានឡើងថ្លៃដល់ ០,១៣៨%។

ចំណែកការជួញដូរនៅលើផ្សារភាគហ៊ុន Wall Street របស់អាមេរិកវិញ បានបិទការជួញដូរនៅក្នុងតម្លៃធ្លាក់ថ្លៃកាលពីយប់មិញបន្ទាប់ពីការជួញដូរមានភាពស្ងប់ស្ងាត់។ ផ្សារភាគហ៊ុន Dow Jones បានធ្លាក់ថ្លៃអស់ ០,០៦% ឬ ស្មើនឹង ១២,៦ ចំណុច ស្ថិតនៅទីតាំងជួញដូរ ២២ ៧៦១,០៧។

សារព័ត៌មាន Reutersបានចេញផ្សាយដោយយោងទៅលើទិន្នន័យរបស់ធនាគារកណ្តាលរបស់ចិន (People's Bank of China) ថា ទុនបម្រុងទុកបរទេសរបស់ចិន ( Foreign Exchange Reserves) បានកើនឡើងពី ១៧ ពាន់លានដុល្លារក្នុងខែកញ្ញាដល់ ៣,១០៩ ពាន់ពាន់លានដុល្លារកាលពី ខែកញ្ញាកន្លងទៅ។ ការកើនឡើងប្រចាំខែជាប់គ្នាៗនៅក្នុងរយៈពេល៨ ខែនេះរបស់មហាអំណាចមួយនេះនៅលើទីផ្សារជួញដូររូបិយប័ណ្ណ (Forex) បានរួមចំណែកមកពីការដាក់បទប្បញ្ញត្តិគ្រប់គ្រងដ៏តឹងរ៉ឹងលើលំហូរមូលធន និងការឡើងថ្លៃនៃប្រាក់យន់៕

ប្រភព៖ cnbc

ទីផ្សារមាសនៅបន្តឡើងថ្លៃទៀតថ្ងៃនេះ

Unknown 10:22 AM 0

ទីផ្សារជួញដូរមាសនៅព្រឹកនេះត្រូវបានគេមើល ឃើញថា នៅបន្តឡើងថ្លៃទៀតពីតម្លៃជួញដូរទាបបំផុតមិនធ្លាប់មានកាលពីសប្តាហ៍ មុន ខណៈដែលហាងឆេងប្រាក់ដុល្លារនៅទ្រឹង ជាមួយនឹងការរំពឹងទុកលើការដំឡើងអត្រាការប្រាក់របស់ធនាគារកណ្តាល បន្ទាប់ពីវាបានធ្លាក់ថ្លៃកាលពីយប់មិញ។

ការជួញដូរមាសតាមស្បត (Spot Gold) បានឡើងថ្លៃ ០,២% ត្រូវបានជួញដូរក្នុងតម្លៃ ១ ២៨៦,៤២ ដុល្លារក្នុងមួយអោននៅ ម៉ោង ៩ ព្រឹកនេះ ពោលគឺបានឡើងថ្លៃដល់តម្លៃជួញដូរដូចកាលពីថ្ងៃទី ២៩ កញ្ញាកន្លងទៅ។ ចំណែកទីផ្សារមាសរបស់អាមេរិកវិញ បានឡើងថ្លៃ ០,៣% ត្រូវបានជួញដូរក្នុងតម្លៃ ១ ២៨៨,៩០ ដុល្លារក្នុងមួយអោន។

នៅថ្ងៃនេះ ទីផ្សារប្រាក់ដុល្លារ បានបញ្ឈប់ការធ្លាក់ថ្លៃមិនដូចកាលពីយប់មិញដែលមិនធ្លាប់មាននៅក្នុងរយៈពេល ១០ សប្តាហ៍កន្លងទៅ។ នេះក៏ដោយសារតែទទួលបានការគាំទ្រពីការរំពឹងទុកលើកំណើនសេដ្ឋកិច្ចអាមេរិកដែលអាចជំរុញឱ្យធនាគារកណ្តាលរបស់ខ្លួនធ្វើការដំឡើងអត្រាការប្រាក់នៅចុងឆ្នាំនេះ។

ទីផ្សារមាសបានឡើងថ្លៃនៅសប្តាហ៍នេះ ដោយសារតែប្រាក់ដុល្លារមានសម្ពាធធៀបទៅនឹងប្រាក់អឺរ៉ូបដែលបានងើបឡើងថ្លៃវិញ បន្ទាប់ពីទិន្នន័យផលិតកម្មក្នុងវិស័យឧស្សាហកម្មរបស់អាល្លឺម៉ង់ បានបង្ហាញក្នុងសញ្ញាណមួយល្អបំផុតមិនធ្លាប់មាននៅក្នុងរយៈពេលជាង៦ ឆ្នាំកន្លងមកនេះសម្រាប់ខែសីហាកន្លងទៅ។ ក្រៅពីនេះ ប្រាក់ដុល្លារទទួលរងផលប៉ះពាល់ពីភាពតានតឹងឡើងវិញនៃភូមិសាស្ត្រនយោបាយក្នុងឧបទ្វីបកូរ៉េ។

ក្រៅពីនេះម្យ៉ាងទៀត ការអំពាវនាវពីលោក Sabine Lautenschlaeger សមាជិកក្រុមប្រឹក្សាភិបាលធនាគារកណ្តាលអឺរ៉ុបមួយរូបដើម្បីរារាំងកុំឲ្យស្ថាប័ននេះទិញមូលបត្របំណុលបន្ថែមទៀតនៅក្នុងឆ្នាំ ២០១៨ ខាងមុខ ក៏បានជួយឲ្យប្រាក់អឺរ៉ូឡើងថ្លៃដែរ។

ចំណែកក្រុមមន្ត្រីរដ្ឋាភិបាលអាល្លឺម៉ង់បានលើកឡើងកាលពីថ្ងៃចន្ទម្សិលមិញថា មូលនិធិរូបិយវត្ថុអន្ដរជាតិ (IMF) ទំនង ជា នឹង បង្កើន ការ ព្យាករណ៍លើកំណើនសេដ្ឋកិច្ចរបស់ខ្លួននៅសប្តាហ៍នេះ។ នេះ មានន័យថា វា គឺជាពេលវេលាដ៏ល្អបំផុតមួយសម្រាប់អ្នកបង្កើតគោលនយោបាយរបស់ខ្លួនត្រលប់មកពង្រឹងរូបិយប័ណ្ណជាតិដែលទន់ខ្សោយឲ្យរឹងមាំ ឡើងវិញ។

នៅអង់គ្លេសវិញ ការចំណាយរបស់ពលរដ្ឋរបស់ខ្លួនត្រូវបានគេមើល ឃើញថា បានកើនឡើងនៅក្នុងខែកញ្ញាកន្លងទៅ។ ប៉ុន្តែនេះមិនទាន់គ្រប់គ្រាន់នោះឡើយដើម្បីបញ្ឈប់ការធ្លាក់ចុះពីមួយឆ្នាំទៅមួយឆ្នាំនៃកំណើនសេដ្ឋកិច្ចរបស់ខ្លួនដែលបានជះឥទ្ធិពលដល់ការចំណាយកាន់តែច្រើនឡើងរបស់ប្រជាជននៅពេលកន្លងមក៕

ប្រភព៖ cnbc

Support, Resistance and pivot Point (10-10-2017)

Unknown 9:38 AM 0

ថ្ងៃនេះទីផ្សារប្រាក់ដុល្លារនៅទ្រឹង ក្រោយធ្លាក់ថ្លៃកាលពីយប់មិញ

Unknown 9:36 AM 0

ប្រាក់ដុល្លារនៅថ្ងៃនេះមិនមានការប្រែប្រួលច្រើនឡើយបន្ទាប់ពីបានធ្លាក់ថ្លៃពីតម្លៃខ្ពស់បំផុតមិនធ្លាប់មាននៅក្នុងរយៈពេល ១០ សប្តាហ៍កន្លងទៅដោយទទួលបានការគាំទ្រពីការរំពឹងទុកលើកំណើនសេដ្ឋកិច្ចអាមេរិកដែលអាចជំរុញឱ្យធនាគារកណ្តាលរបស់ខ្លួនធ្វើការដំឡើងអត្រាការប្រាក់នៅចុងឆ្នាំនេះ។

សន្ទស្សន៍ជួញដូរប្រាក់ដុល្លារធៀបទៅនឹងរូបិយប័ណ្ណនានាបានស្ថិតនៅទីតាំងតម្លៃ ៩៣,៧២០ បន្ទាប់ពីបានធ្លាក់ថ្លៃកាលពីយប់មិញអស់ ០,១៥%។

លុយដុល្លារបានធ្លាក់ថ្លៃនៅពេលប្រាក់អឺរ៉ូបងើបឡើងថ្លៃវិញបន្ទាប់ពីទិន្នន័យផលិតកម្មក្នុងវិស័យឧស្សាហកម្មរបស់អាល្លឺម៉ង់ បានកើនឡើងក្នុងអត្រាដ៏ល្អបំផុតមិនធ្លាប់មាននៅក្នុងរយៈពេលជាង៦ ឆ្នាំកន្លងមកនេះសម្រាប់ខែសីហាកន្លងទៅ។ ម្យ៉ាងទៀត ការអំពាវនាវពីលោក Sabine Lautenschlaeger សមាជិកក្រុមប្រឹក្សាភិបាលធនាគារកណ្តាលអឺរ៉ុបមួយរូបដើម្បីរារាំងកុំឲ្យស្ថាប័ននេះទិញមូលបត្របំណុលបន្ថែមទៀតនៅក្នុងឆ្នាំ ២០១៨ ខាងមុខ ក៏បានជួយឲ្យប្រាក់អឺរ៉ូឡើងថ្លៃដែរ។

ធៀបទៅនឹងលុយយ៉េនវិញ ប្រាក់ដុល្លារហាក់មិនមានការប្រែប្រួលខ្លាំងនោះទេ ពោលគឺត្រូវបានជួញដូរក្នុងតម្លៃ ១១២,៦៩០ យ៉េនក្នុងមួយដុល្លារ។ កាលពីថ្ងៃសុក្រសប្តាហ៍មុន ប្រាក់ដុល្លារបានហក់ឡើងថ្លៃដល់តម្លៃ ១១៣,៤៤០ យ៉េនក្នុងមួយដុល្លារដែលជាតម្លៃជួញដូរខ្ពស់បំផុតមិនធ្លាប់មាននៅក្នុងរយៈពេល៣ខែកន្លងទៅនេះ ដោយសារតែទទួលបានការគាំទ្រពីរបាយការណ៍កំណើនប្រាក់ឈ្នួលរបស់ពលរដ្ឋអាមេរិក មុននឹងមានសម្ពាធវិញនៅពេលអ្នកជួញដូរមានការបារម្ភទៅនឹងភាពតានតឹងភូមិសាស្ត្រនយោបាយនៅឧបទ្វីបកូរ៉េកាលពីម្សិលមិញ។

រីឯលុយផោនវិញ ក៏មានការប្រែប្រួលតិចតួចដែរ ដោយត្រូវបានជួញដូរក្នុងតម្លៃ ១,៣១៣៩ ដុល្លារក្នុងមួយអឺរ៉ូ ដោយបានងើបឡើងវិញពីតម្លៃជួញដូរទាបបំផុតមិនធ្លាប់មាននៅក្នុងខែនេះ ពោលគឺ ១,៣០២៧ ដុល្លារកាលពីយប់មិញ។ ការឡើងថ្លៃ នេះដោយសារតែមានព័ត៌មានស្តីពីកំណើនតម្លៃប្រាក់ឈ្នួលរបស់ពលរដ្ឋអង់គ្លេស ដែលធ្វើឱ្យមានការរំពឹងទុកនៃការដំឡើងអត្រាការប្រាក់របស់ធនាគារកណ្តាលរបស់ខ្លួន ខណៈដែលនាយករដ្ឋមន្ត្រីលោកស្រី Theresa May សន្យា ស្រោចស្រង់ស្ថានការណ៍នយោបាយឲ្យល្អប្រសើរឡើងវិញ។

ចំពោះលុយដុល្លារអូស្ត្រាលីវិញ បានឡើងថ្លៃ ០,១% ត្រូវបានជួញដូរក្នុងតម្លៃ ០,៧៧៥៨ ដុល្លារ ខណៈដែលលុយដុល្លារនូវែលហ្សេឡង់មិនមានការប្រែប្រួលច្រើននោះទេ ដោយត្រូវជួញដូរក្នុងតម្លៃ ០,៧០៦៦ ដុល្លារ៕

ប្រភព៖ cncb

Technical Analysis Mon, Oct 09, 2017

Unknown 4:51 PM 0

Dear Customers,

Daily Technical Analysis Mon, Oct 09, 2017

* Please note that due to market volatility, some of the below sight prices may have already been reached and scenarios played out.

#EUR/USD Intraday: the upside prevails.
Pivot: 1.1715
Most Likely Scenario: long positions above 1.1715 with targets at 1.1750 & 1.1765 in extension.
Alternative scenario: below 1.1715 look for further downside with 1.1700 & 1.1685 as targets.
Comment: the RSI shows upside momentum.

#GBP/USD Intraday: the upward potential is likely to be limited by the resistance at 1.3105.
Pivot: 1.3105
Most Likely Scenario: short positions below 1.3105 with targets at 1.3055 & 1.3030 in extension.
Alternative scenario: above 1.3105 look for further upside with 1.3150 & 1.3185 as targets.
Comment: the upward potential is likely to be limited by the resistance at 1.3105.

#USD/JPY Intraday: even though a continuation of the technical rebound cannot be ruled out, its extent should be limited.
Pivot: 112.85
Most Likely Scenario: short positions below 112.85 with targets at 112.30 & 112.00 in extension.
Alternative scenario: above 112.85 look for further upside with 113.10 & 113.45 as targets.
Comment: even though a continuation of the technical rebound cannot be ruled out, its extent should be limited.

#AUD/USD Intraday: as long as the resistance at 0.7785 is not surpassed, the risk of the break below 0.7755 remains high.
Pivot: 0.7785
Most Likely Scenario: short positions below 0.7785 with targets at 0.7755 & 0.7730 in extension.
Alternative scenario: above 0.7785 look for further upside with 0.7810 & 0.7835 as targets.
Comment: as long as the resistance at 0.7785 is not surpassed, the risk of the break below 0.7755 remains high.

#Gold spot Intraday: the RSI is mixed with a bullish bias.
Pivot: 1275.00
Most Likely Scenario: long positions above 1275.00 with targets at 1290.00 & 1295.00 in extension.
Alternative scenario: below 1275.00 look for further downside with 1270.00 & 1266.50 as targets.
Comment: the RSI is mixed with a bullish bias.

Support, Resistance and Pivot Point (09-10-2017)

Unknown 10:11 AM 0

មាសឡើងថ្លៃ ខណៈអ្នកជួញដូរកំពុងបារម្ភទៅនឹងស្ថានភាពនយោបាយក្នុងឧបទ្វីបកូរ៉េ