Thursday, September 28, 2017

Home Financial News ថ្ងៃនេះមាសមិនប្រែប្រួលខ្លាំងនោះទេ ក្រោយធ្លាក់ថ្លៃច្រើននៅសប្តាហ៍នេះ

ថ្ងៃនេះមាសមិនប្រែប្រួលខ្លាំងនោះទេ ក្រោយធ្លាក់ថ្លៃច្រើននៅសប្តាហ៍នេះ

ការជួញដូរមាសនៅ ថ្ងៃព្រហស្បតិ៍នេះហាក់មិនប្រែប្រួលខ្លាំងនោះទេ បន្ទាប់ពីបានធ្លាក់ថ្លៃខ្លាំងដល់តម្លៃទាបបំផុតមិនធ្លាប់មាននៅ ក្នុងរយៈពេល១ខែកន្លងទៅនេះកាលពីថ្ងៃម្សិលមិញ នៅពេលមានពន្លឺចេញពីធនាគារកណ្តាលអាមេរិកក្នុងការដំឡើងអត្រាការប្រាក់នៅចុងឆ្នាំនេះ។

ការជួញដូរមាសតាមស្បតបានឡើងថ្លៃ ០,៣% ត្រូវបានជួញដូរក្នុងតម្លៃ ១ ២៨៤,៣៦ ដុល្លារក្នុងមួយអោន បន្ទាប់ពីបានធ្លាក់ថ្លៃដល់តម្លៃ ១ ២៨០,៧២ អោនក្នុងមួយដុល្លារកាលពីថ្ងៃម្សិលមិញ ដែលជាតម្លៃជួញដូរទាបបំផុតមិនធ្លាប់មានគិតចាប់តាំងពីថ្ងៃទី ២៥ សីហាមក។ យ៉ាងណាមិញ ទីផ្សារមាសរបស់អាមេរិកបានធ្លាក់ថ្លៃអស់ ០,១% ត្រូវបានជួញដូរក្នុងតម្លៃ ១ ២៨៧ ដុល្លារក្នុងមួយអោន។

ទីផ្សារជួញដូរមាសរងសម្ពាធជាបន្តបន្ទាប់នៅសប្តាហ៍នេះដោយសារតែ ភាពសុទិដ្ឋិនិយមនៅក្នុងសេដ្ឋកិច្ចអាមេរិក ជាមួយនឹងការបង្ហើបខ្លះៗពីតម្រុយនៃការចង់ដំឡើងអត្រាការប្រាក់ចេញពីធនាគារកណ្តាលអាមេរិកនៅចុងឆ្នាំនេះ។ ទន្ទឹមនឹងនេះ កាលម្សិលមិញ ប្រធានាធិបតីអាមេរិក Donald Trump បានដាក់សំណើលើកម្មវិធីកំណែទម្រង់ពន្ធដារដ៏ធំបំផុតរបស់មហាអំណាចមួយនេះដែលមិនធ្លាប់មាននោះឡើយនៅក្នុងរយៈពេល៣ទសវត្សរ៍កន្លងមកសម្រាប់ជួយកាត់បន្ថយការបង់ពន្ធដល់ពលរដ្ឋរបស់ខ្លួនភាគច្រើន៕

ប្រភព៖ cnbc