១.ព័ត៌មានចេញពីធនាគារកណ្តាលអូស្ត្រាលី (RBA)
កាលបរិច្ឆេទថ្ងៃទី ០៥ កញ្ញា
ផលប៉ះពាល់ដល់ទីផ្សារជួញដូរ AUD/USD, AUD/NZD
មានការរំពឹងទុកថា ធនាគារកណ្តាលអូស្ត្រាលី (RBA) នឹងរក្សាអត្រាការប្រាក់បច្ចុប្បន្នដែលមានចំនួន ១,៥% សម្រាប់រយៈពេល១៣ ខែជាប់ៗគ្នា។ មានការស្នើសុំចេញពីអភិបាលធនាគារនេះធ្លាប់ស្នើឲ្យមានការផ្លាស់ប្ដូរណាមួយជាជាងការទម្លាក់អត្រាការប្រាក់កាលពីខែសីហាកន្លងទៅ ខណៈដែល RBA កំពុងស្ថិតនៅក្នុងជំហរដ៏ចម្រូងចម្រាសដែលការកាត់បន្ថយអត្រាការប្រាក់អាចបណ្តាលឱ្យតម្លៃគេហដ្ឋាន និងបំណុលគ្រួសាររបស់ពលរដ្ឋមានការកើនឡើង។ការដំឡើងអត្រាការប្រាក់គោលអាចនឹងជំរុញឱ្យរូបិយប័ណ្ណរបស់ខ្លួនឡើងថ្លៃ ប៉ុន្តែធនាគារកណ្តាលមិនចង់ធ្វើនោះឡើយ ព្រោះកំពុងទប់ទល់នឹងបញ្ហាកំណើនអតិផរណាយឺតយ៉ាវ និងបញ្ហាសេដ្ឋកិច្ច។
២.ព័ត៌មានផលិតផលក្នុងស្រុកសរុបរបស់ស្វីសប្រចាំត្រីមាសទី២ (GDP)
កាលបរិច្ឆេទថ្ងៃទី ០៥ កញ្ញា
ផលប៉ះពាល់ដល់ទីផ្សារជួញដូរ EUR/CHF, CHF/USD
ទិន្នន័យផលិតផលក្នុងស្រុកសរុបរបស់ស្វីសសម្រាប់ត្រីមាសទី ១ នឹងត្រូវចេញផ្សាយនៅថ្ងៃអង្គារស្អែកនេះម៉ោងនៅប្រទេសស្វីស។ ទិន្នន័យនៅឆមាសទី១ បានបង្ហាញថា GDP របស់ខ្លួនបានកើនឡើងលើសត្រីមាសមុនក្នុងចំនួន ០,៣% ខណៈដែលកំណើនប្រចាំឆ្នាំមានចំនួន ១,១%។ ទិន្នន័យថ្លៃទំនិញប្រើប្រាស់ (CPI) ក៏នឹងបញ្ចេញឲ្យដឹងក្នុងថ្ងៃដូចគ្នានេះដែរ ដោយវាមានកំណើន០,៣% នៅត្រីមាសមុន ហើយគេរំពឹងថា វានឹងមានកំណើន ០,៥% នៅត្រីមាសទី២នេះ។ ដូច្នេះលុយហ្រ្វង់ស្វីស ឡើងចុះគឺអាស្រ័យលើព័ត៌មាន២នេះហើយ និងស្ថានភាពតានតឹងផ្នែកភូមិសាស្ត្រនយោបាយសាកលលោក។
៣.ព័ត៌មានផលិតផលក្នុងស្រុកសរុបរបស់អូស្ត្រាលីប្រចាំត្រីមាសទី២ (GDP)
កាលបរិច្ឆេទថ្ងៃទី ០៦ កញ្ញា
ផលប៉ះពាល់ដល់ទីផ្សារជួញដូរAUD/USD, AUD/NZD
ទិន្នន័យផលិតផលក្នុងស្រុកសរុបរបស់អូស្ត្រាលី (GDP) នឹងចេញផ្សាយនៅថ្ងៃទី ៦ កញ្ញាខាងមុខនេះជាមួយនឹងការរំពឹងទុកថា វានឹងអាចបន្តកើនឡើង ១,៨% ពីមួយឆ្នាំទៅមួយឆ្នាំ ឬ ស្មើនឹង ០,៨% ចាប់ពីខែកក្កដាកន្លងទៅ។ នេះរួមចំណែកយ៉ាងសំខាន់ពីវិស័យសំណង់ និងវិស័យរ៉ែដែលបានរួមចំណែកដ៏សំខាន់សម្រាប់សេដ្ឋកិច្ចរបស់ខ្លួន ហើយការសម្រេចចិត្តដំឡើងអត្រាការប្រាក់យ៉ាងណារបស់ធនាគារកណ្តាលនោះ គឺត្រូវស្ទាបស្ទង់ទៅលើទិន្នន័យខាងលើនេះផងដែរ។
៤.ព័ត៌មានដំឡើងអត្រាការប្រាក់របស់ធនាគារកណ្តាលកាណាដា (BoC)
កាលបរិច្ឆេទថ្ងៃទី ០៦ កញ្ញា
ផលប៉ះពាល់ដល់ទីផ្សារជួញដូរ CAD/USD
គេមិនរំពឹងថា ធនាគារកណ្តាលកាណាដានឹងផ្លាស់ប្ដូរចំនួនអត្រាការប្រាក់បច្ចុប្បន្នរបស់ខ្លួនឲ្យខ្ពស់ជាងចំនួន ០,៧៥% ដូចពេលបច្ចុប្បន្ននោះឡើយ។ ទិន្នន័យ GDP កាលពីសប្តាហ៍មុនបានបង្ហាញនូវកំណើនដ៏គួរឲ្យភ្ញាក់ផ្អើលមួយក្នុងចំនួន ៤,៥% ដែលជាចំនួនមួយខ្ពស់ជាងការព្យាករណ៍ដែលថា វាអាចមានត្រឹមតែចំនួន ៣,៧% ប៉ុណ្ណោះ ខណៈដែលវិស័យលំនៅឋានរបស់ខ្លួនក៏ស្ថិតនៅក្នុងសញ្ញាណវិជ្ជមានទៀត។ ឱកាសនៃការដំឡើងអត្រាការប្រាក់របស់ធនាគារកណ្តាលប្រទេសនេះ គឺមានចំនួន ៤១% ប៉ុណ្ណោះ។
៥.ព័ត៌មានផលិតផលក្នុងស្រុកសរុបរបស់តំបន់ចាយប្រាក់អឺរ៉ូសម្រាប់ត្រីមាសទី២
កាលបរិច្ឆេទថ្ងៃទី ០៧ កញ្ញា
ផលប៉ះពាល់ដល់ទីផ្សារជួញដូរ EUR/USD, EUR/GBP
សេដ្ឋកិច្ចរបស់ប្រទេសក្នុងតំបន់ចាយប្រាក់អឺរ៉ូត្រូវបានគេរំពឹងថា នឹងបានបន្តក្នុងកំណើនប្រចាំឆ្នាំចំនួន ២,២% និង ០,៦% ធៀបទៅនឹងត្រីមាសទី១។ ទិន្នន័យជាវិជ្ជមានកាលពីសប្តាហ៍មុនរបស់បណ្តាប្រទេសទាំង១៩ក្នុងតំបន់នេះ បានរួមចំណែកដ៏សំខាន់ជួយឲ្យប្រាក់អឺរ៉ូមានប្រជាប្រិយភាពកាន់តែខ្លាំងហក់ឡើងថ្លៃដល់តម្លៃខ្ពស់បំផុតមិនធ្លាប់មាននៅក្នុងរយៈពេល១០ឆ្នាំមកនេះ។ ការព្យាករណ៍មុនៗបានបង្ហាញថា កំណើនប្រចាំឆ្នាំនេះត្រូវបានគេរំពឹងក្នុងចំនួនត្រឹមតែ ២,១% ប៉ុណ្ណោះ។
៦.ព័ត៌មានដំឡើងអត្រាការប្រាក់របស់ធនាគារកណ្តាលអឺរ៉ុប (ECB)
កាលបរិច្ឆេទថ្ងៃទី ០៧ កញ្ញា
ផលប៉ះពាល់ដល់ទីផ្សារជួញដូរ EUR/USD, EUR/GBP
ជាមួយនឹងអត្រាការប្រាក់មិនប្រែប្រួលក្នុងចំនួន ០% ធនាគារកណ្តាលអឺរ៉ុបត្រូវបានគេរំពឹងថា ទំនងមិនចង់ដំឡើងអត្រាការប្រាក់ណាមួយបន្តទៀតនោះទេនៅពេលខាងមុខ។ ប្រមុខស្ថាប័ននេះគឺលោក Draghi កាលពីពេលថ្មីៗកន្លងទៅបានបានធ្វើអត្ថាធិប្បាយណាមួយយ៉ាងលម្អិតពីគោលនយោបាយរូបិយប័ណ្ណក្នុងតំបន់នេះកាលពីកិច្ចប្រជុំនៅ Jackson Hole សហរដ្ឋអាមេរិក។ យ៉ាងណាក៏ដោយ ស្ថាប័ននេះនឹងត្រូវតាមដានលើទិន្នន័យនេះសិន ដែលអាចធ្វើឲ្យខ្លួនផ្លាស់ប្ដូរចិត្តបាន៕
ប្រភព៖ forex.info
No comments:
Post a Comment